2011 წელს რუსეთი თავდაცვაზე 2 ტრლნ რუბლს დახარჯავს, რაც ქვეყნის საბიუჯეტო ხარჯების 19%-ია. ამის შესახებ რუსეთის ფინანსთა მინისტრმა ალექსეი კუდრინმა განაცხადა.
მისი თქმით, ეს თანხა ეროვნული უსაფრთხოების უზრუნველყოფას და რუსეთის თავდაცვისუნარიანობის გაზრდას მოხმარდება. ადრე ვრცელდებოდა ინფორმაცია, რომ 2011 წელს თავდაცვის ხარჯები 1,52 ტრლნ რუბლამდე გაიზრდებოდა.
ამჟამად რუსეთის ხელისუფლება 2011-2020 წლების შეიარაღების სახელმწიფო პროგრამაზე მუშაობს. დოკუმენტის მრავალი პარამეტრი ჯერჯერობით არ ხმაურდება, თუმცა ცნობილია, რომ მომდევნო 10 წლის განმავლობაში სახელმწიფო პროგრამის დაფინანსება 22 ტრლნ რუბლს შეადგენს. ამ თანხიდან უშუალოდ თავდაცვის სამინისტრო 19 ტრლნ რუბლს მიიღებს. შეიარაღების სახელმწიფო პროგრამა ახალი ტექნიკის წილის გაზრდას 70-80%-მდე ითვალისწინებს. ამჟამად ეს მაჩვენებელი 10%-ს შეადგენს.
მომზადებულია rian.ru-ს მიხედვით.