ამერიკელი ს[uენატორები ობამას ადმინისტრაციასა და მოსკოვს შორის მოსალოდნელ საიდუმლო შეთანხმებას აპროტესტებენ, რომელიც ევროპაში ამერიკული რაკეტსაწინააღმდეგო სისტემის შეზღუდვას ეხება. ამის შესახებ ინფორმაციას გაზეთი "კომერსანტი" ავრცელებს. "რესპუბლიკური პარტიის" ექვსმა სენატორმა ალაბამას შტატის წარმომადგენლის, ჯოზეფ სემენსის ხელმძღვანელობით ხელი მოაწერეს მიმართვას, რომელშიც სახელმწიფო მდივან ჰილარი კლინტონისგან შეთანხმების დეტალების გამოაშკარავებას ითხოვენ.
მიმართვაში აღნიშნულია, რომ სენტორების შეშფოთება გამოწვეულია არა მარტო ვაშინგტონში გავრცელებული ხმებით, არამედ რუსეთის შეიარაღებული ძალების გენშტაბის უფროსის პირველი მოადგილის, ალექსანდრე ბუტურინის განცხადებით. რუსმა სამხედრო მაღალჩინოსანმა 8 ივლისს განაცხადა, რომ რუსეთის თავდაცვისა და საგარეო საქმეთა სამინისტროები ვაშინგტონთან რაკეტსაწინააღმდეგო სისტემაზე ახალ ხელშეკრულებას ამზადებენ.
ამასთან, ამერიკულმა პრესამ 1-ელ ოქტომბერს რუსეთის საგარეო საქმეთა მინისტრის სერგეი ლავროვის განცხადებაც გაავრცელა. პირველმა დიპლომატმა თქვა, რომ რუსეთი და აშშ "რაკეტსაწინააღდეგო სისტემასთან დაკავშირებით ახალი შეთანხმებისთვის" მზად არიან.
ნატო-ში რუსეთის მუდმივმა წარმომადგენელმა დიმიტრი როგოზინმა განაცხადა, რომ არანაირ ახალ ხელშეკრულებას ამერიკული და რუსული მხარე არ ამზადებს.
საიდუმლო შეთანხმების შესახებ პირველად, ივნისში სტატია "ვაშინგტონ თაიმსმა" გამოაქვეყნა. გამოცემამ ანონიმურ წყაროდ ამერიკელი მაღალჩინოსანი დაასახელა.
"ინტერპრესნიუსი"