ნატო-ს გენერალური მდივნის ანდერს ფოგ რასმუსენის შეფასებით, ლისაბონის ნატოს სამიტი ყველაზე ეფექტური და მასშტაბური იქნება. მისი თქმით, რუსეთი იზიარებს დასავლეთის მოსაზრებებს, გავიდა შეშფოთების დრო და ახლა თანამშრომლობის დრო დადგა, რასაც მოსკოვი და ბრიუსელი გააკეთებენ.
ამის შესახებ განცხადება რასმუსენმა ლისაბონის სამიტის დაწყებისაა გააკეთა, რომელიც ალიანსის საიტზე განთავსდა.
რასმუსენის აზრით, სამიტი იმიტომ იქნება ყველაზე მასშტაბური და ეფექტური, რომ მასზე განიხილება სარაკეტო თავდაცვისა და კიბერ უსაფრთხოების საკითხები. ნატო შეეცდება ერთმანეთთან უფრო მეტი ქვეყანა და ორგანიზაცია დააკავშიროს. მისივე განმარტებით, სამიტი შედეგიანი იმიტომაც იქნება, რომ ალიანსი განახორციელებს სამხედრო პერსონალის ცვლილებებს, რათა მომზადებული შეხვდება 21-ე საუკუნის გამოწვევებს.
რასმუსენით თქმით, სამიტი ასევე იმსჯელებს თავდაცვის სფეროსათვის გამოყოფილი თანხების უფრო ეფექტურად გამოყენებაზე. ალიანსი ყურადღებას გაამახვილებს ავღანეთში ნატოს მისიაზე და ხელს შეუწყობს ავღანეთის მთავრობას, უსაფრთხოება უზრუნველყოს მთელი ქვეყნის ტერიტორიაზე.
ალიანსის გენმდივანმა ასევე განაცხადა იმის შესახებ, რომ ნატო ავღანეთში თავის მისიას ან 2014 წელს დაასრულებს, ანაც მანამდე დარჩება, სანამ ამის საჭიროება იქნება და ნურავინ იფიქრებს. რომ ნატოს ავღანეთიდან ვინმე გამოისტუმრებს.
”სამიტზე ერთ ერთი უმნიშვნელოვანესი საკითხი იქნება ის, რომ ჩვენ პირველ ნაბიჯებს გადავდგამთ რუსეთთან თანამშრომლობისაკენ. მე დარწმუნებული ვარ, რომ რუსეთი იზიარებს ჩვენს მოსაზრებებს. გავიდა შეშფოთების დრო და მოვიდა თანამშრომლობის დრო და ჩვენ ვითანამშრომლებთ”_ განაცხადა რასმუსენმა.
"ინტერპრესნიუსი"