აშშ-მა 2010 წელს დაზვერვაზე 80 მილიარდი დოლარი დახარჯა. ამის შესახებ Associated Press-ი იუწყება.

ცნობები დაზვერვის ხარჯების შესახებ აშშ-ის ისტორიაში პირველად გამოქვეყნდა. 2010 წელს ამ თანხამ 80 მილიარდ დოლარს გადააჭარბა. ამ თანხიდან 27 მლრდ დოლარი სამხედრო დაზვერვაზე დაიხარჯა.

აშშ-ის მეცნიერთა ფედერაციის ექსპერტის სტივენ აფტერგუდის თქმით, გამოქვეყნებული ინფორმაცია სრულია.

მონაცემების გამოქვეყნების ინიციატორი, აშშ-ის ნაციონალური დაზვერვის ახალი დირექტორი ჯეიმს კლაპერია. გამოქვეყნებული ცნობების თანახმად, ცენტრალური სადაზვერვო სააგენტოს ხარჯებმა, 53,1 მილიარდი შეადგინა.

მომზადებულია Associated Press-ის მიხედვით.