უახლოეს მომავალში, ისრაელი ტანკ "მერკავა-4"-ის ექსპორტს დაიწყებს. ინფორმაციას ამის შესახებ ებრაული სააგენტო zman.com ავრცელებს.
სააგენტოს ინფორმაციით, ქვეყნის თავდაცვის სამინისტრო "მერკავა-4"-ის გაყიდვისგან დიდი ხნის განმავლობაში თავს იკავებდა. თუმცა როგორც ცნობილი გახდა, რამდენიმე თვის წინ სამინისტროს გენერალურმა დირექტორმა უდი შენმა ტანკების ექსპორტის ნებართვა გასცა. ტანკებს აშშ-ის ადმინისტრაციასთან შეთანხმებით, ისრაელისადმი მეგობრულად განწყობილ ქვეყნებს მიჰყიდიან.
ისრაელის სამხედრო მრეწველობა ყოველწლიურად, რამდენიმე ათეულ "მერკავას" ებრაული არმიის გასაძლიერებად აწარმოებდა.
ექსპერტთა შეფასებით, "მერკავა-4" მსოფლიოში ერთ-ერთ ყველაზე საუკეთესო ტანკად ითვლება.
"ინტერპრესნიუსი"