პოლონეთი სომხეთს დაეხმარება, რომ ნატო-ს საპარლამენტო ასამბლეამ, მთიანი ყარაბაღის შესახებ აზერბაიჯანის რეზოლუციას, რომელიც სომხეთისთვის მიუღებელ ფორმულირებას შეიცავს, მხარი არ დაუჭიროს, იტყობინება სომხეთის ეროვნული უშიშროების საბჭოს პრესსამსახური.
მსგავსი რეზოლუციების მიუღებლობის შესახებ სომხეთის ეროვნული უშიშროების საბჭოს მდივანმა არტურ ბაგდასარიანმა პოლონეთის საგარეო საქმეთა სამინისტროს სახელმწიფო მდივან იაცეკ ნაიდერთან შეხვედრაზე ისაუბრა.
"ყარაბაღის საკითხი ეუთო-ს მინისკის ჯგუფის ფარგლებში დარეგულირდება და სხვადასხვა სტრუქტურებში მსგავსი რეზოლუციების მიღებამ, შესაძლოა, მოლაპარაკებებათა პროცესს ხელი შეუშალოს", - განაცხადა ბაგდასარიანმა.
"პოლონეთი სომხეთის ეროვნული უშიშროების საბჭოს მდივნის პოზიციას გაგებით მოეკიდა და მზადაა სომხეთს დაეხმაროს, რომ მათთვის მიუღებელი ფორმულირებით რეზოლუციის პროექტს ნატო-ს საპარლამენტო ასამბლეამ მხარი არ დაუჭიროს", - ნათქვამია პოლონეთის საგარეო საქმეთა სამინისტროს განცხადებაში.
მომზადებულია newsarmenia.ru-ს მიხედვით.