ყაზახეთმა ამერიკულ არმიას ავღანეთისკენ ახალი საჰაერო მარშრუტები გაუხსნა. Agence France-Presse-ი აშშ-ის სახელმწიფო დეპარატმენტზე დაყრდნობით ავრცელებს ინფორმაციას, რომ ამერიკის შეერთებულმა შტატებმა და ყაზახეთმა 12 ნოემბერს ხელი მოაწერეს შეთანხმებას, რომლის თანახმადაც, ამერიკულ თვითმფრინავები ავღანეთში მოსახვედრად ყაზახეთის საჰაერო სივრცეს გამოიყენებენ.
სახელმწიფო დეპარტამენტის განცხადებაში ნათქვამია, რომ შეთანხმება ხელს შეუწყობს ყაზახეთთან მჭიდრო თანამშრომლობას, რომელმაც ავღანეთში მოსახვედრად აშშ-ის თვითმფრინავებს თავისი საჰაერო სივრცე 2001 წელსაც გაუხსნა.
შეთანხმებაზე ხელი მოაწერეს აშშ-ის სახელმწიფო მდივნის თანაშემწემ სამხედრო-პოლიტიკურ საკითხებში ენდრიუ საპირომ და ყაზახეთის ელჩმა აშშ-ში ერლან იდრისოვმა.
დოკუმენტში აღნიშნულია, რომ საუბარია არა ამხოლოდ სამხედრო თვითმფრინავებზე, არამედ კომერციულ ფრენებზეც.
"ინტერპრესნიუსი"