ჩეჩნეთის მეთაური რამზან კადიროვი საქართველოს ჩეჩენი "ბოევიკების" დაფინანსებაში ადანაშაულებს.
როგორც რუსული საინფორმაციო სააგენტოები იუწყებიან, კადიროვის განცხადება ჩეჩნეთის რეპუბლიკის მთავრობის პრესსამსახურმა გაავრცელა.
"ბოევიკებს ახლა მორალური და ფინანსური მხარდამჭერი ცოტა დარჩათ. ადრე ისინი ფინანსებსა და იარაღს საქართველოს ტერიტორიიდან იღებდნენ. ასევე, საქართველოს გავლით შედიოდნენ ჩეჩნეთში ბანდიტების ჯგუფები. დღეს შეიძლება ითქვას, რომ თითქმის ერთადერთი წყარო, ვინც მათ ეხმარება და სადაც ისინი ემზადებიან, საქართველოა", - განაცხადა კადიროვმა.
კადიროვის მტკიცებით, არსებობს ინფორმაცია, რომ საქართველოში ამჟამად ახალგაზრდებს იბირებენ და ჩეჩნეთში გზავნიან.
"არიან უდუგოვისა და ზაკაევის მსგავსი გამვლელები, რომლებიც საქართველოში თუ ინგლისში ჩადიან. მათ იქ მხარს უჭერენ, არ გვაძლევენ ამ ტერორისტებს, რომ აქ კანონის შესაბამისად გავასამართლოთ", - განაცხადა კადიროვმა.
"ინტერპრესნიუსი"