taნკისმკვლელების მიმოხილვა აშშ-ს შეიარაღებიდან დავიწყოთ:
]M47-დრაკონი
ეს კომპლექსი აშშ-ის შეიარაღებაზე 1968 წელს მიიღეს და დღეისათვის მსოფლიოს კიდევ 14 ქვეყნის შეიარაღებაზე არსებობს.
მეორე თაობის კომპლექსებს შორის ”დრაკონი” ყველაზე მსუბუქია. იგი გამოიყენება, როგორც ქვეითთა ქვედანაყოფების (ოცეულის ჩათვლით) ტანკსაწინააღმდეგო საშუალება.
კომპლექსი წარმოადგენს გამშვები აღჭურვილობის კომპლექტს და მართვად ტანკსაწინააღმდეგო რაკეტას, რომელიც პლასტმასის სატრანსპორტო-გამშვებ კონტეინერშია მოთავსებული. გამშვებ აღჭურვილობაში შედის საყრდენი ორფეხა, რომელზეც მაგრდება გამშვები კონტეინერი და მართვის პულტი, რომელიც შედგება ტელესკოპური სამიზნისაგან, ინფრაწითელი მიმღებისგან, ელექტრონული ბლოკისა და გამშვები მექანიზმისაგან.
სროლისთვის მომზადებისას დამმიზნებელი მართვის პულტებს აერთებს კონტეინერთან - გამშვებ მილთან, მოხსნის მას წინა ჰერმეტულ ხუფს, საყრდენ ორფეხას აყენებს საჭირო სიმაღლეზე, სამიზნეს მიმართავს მიზნისკენ და რთავს გამშვებ მექანიზმს. ამ დროს ამუშავებული სასტარტო ძრავა უზრუნველყოფს რაკეტის საწყის სიჩქარეს 90 მ-წმ-ს.
რაკეტის მართვის სისტემა ნახევრად ავტომატურია - ბრძანებები გადაეცემა ინფრაწითელი აპარატურის საშუალებით. არსებობს კომპლექსის ვარიანტი ”დრაკონი-II”, რომლის ჯავშანგამჭოლუნარიანობა 950 მმ-ამდეა გაზრდილი. ამჟამად მუშაობენ ვარიანტ ”დრაკონ-III-ზე”, რომელსაც ტანდემურ- კუმულაციური საბრძოლო ნაწილი ექნება, სროლის მანძილი კი 1 500 მ-ზე მეტი.
M47-დრაკონის ტაქტიკურ-ტექნიკური დახასიათება:
რაკეტის კალიბრი - 122 მმ;
რაკეტის მაქსიმალური სიჩქარე - 110 მმ;
საბრძოლო თავის ტიპი - კუმულაციური;
ჯავშანგამჭოლუნარიანობა - 430 მმ;
სროლის მანძილი: მაქსიმალური - 1 000 მ, მინიმალური - 30 მმ.