ამერიკის სამხედრო-საჰაერო ძალების ბაზაზე რაკეტების კონტროლის სისტემა მწყობრიდან გამოვიდა.
შემთხვევა ვაიომინგის შტატში, სამხედრო-საჰაერო ბაზა "უორენზე" მოხდა. 50 ბალისტიკური რაკეტის კონტროლის სისტემა 45 წუთით იყო გათიშული. ამის შესახებ Associated Press-ი იუწყება. შემთხვევა შაბათს მოხდა, თუმცა პრეზიდენტის ადმინისტრაციას ინციდენტის შესახებ სამშაბათს შეატყობინეს.
ანონიმ ჩინოვნიკთა თქმით, არ არსებობს ეჭვის საფუძველი, რომ სისტემა განზრახ დააზიანეს. გარდა ამისა, დაზიანებას რაკეტების შესაძლო გაშვება არ გამოუწვევია. სპეციალისტები ამტკიცებენ, რომ ინციდენტი მოსახლეობისთვის საფრთხეს არ წამოადგენდა.
ბაზაზე, მთლიანობაში 150 კონტინეტთაშორისი ბალისტიკური რაკეტაა განთავსებული.
მომზადებულია Associated Press-ის მიხედვით.