ირანზე სამხედრო თავდასხმა ამ ქვეყანას ბირთვული იარაღის შემუშავებაზე უარს კი არ ათქმევინებს, არამედ პირიქით, ხელს შეუწყობს. როგორც "როიტერი" იტყობინება, ეს განცხადება აშშ-ის თავდაცვის მინისტრმა რობერტ გეიტსმა "The Wall Street Journal"-ის ხელმძღვანელობასთან შეხვედრის დროს გააკეთა.

გეიტსის თქმით, იმისთვის რომ ირანმა ბირთვული იარაღის შემუშავებაზე უარი თქვას, აუცილებელია სხვა გზები გამოინახოს. პენტაგონის მეთაურის აზრით, სამხედრო ოპრაცია თეირანის ბირთვულ იარაღზე მუშაობას მხოლოდ დროებით გადაავადებს.

გაერო-ს მიერ ირანის წინააღმდეგ დაწესებული სანქციები, 2010 წლის ივნისში, ბარაქ ობამას გადაწყვეტილებით, კიდევ უფრო გამკაცრდა. ამის შემდეგ თეირანმა ბირთვულ პროგრამასთან დაკავშირებით მოლაპარაკებები შეწყვიტა, თუმცა ოქტომბრის ბოლოს განაცხადა, რომ მოლაპარაკებების განახლებისთვის მზად იყო.

მომზადებულია reuters.com-ის მიხედვით.