ავღანეთში მომხდარ აფეთქებას 15 ადამიანის სიცოცხლე შეეწირა.
სააგენტო "როიტერის" ინფორმაციით, აფეთქება გამთენიისას, ავღანეთის ჰელმენდის პროვინციაში იმ დროს მოხდა, როდესაც რამდენიმე სოფლის მაცხოვრებლები სატვირთო მანქანით ბაზარში სავაჭროდ მიდიოდნენ.
პოლიციელთა განცხადებით, გზაზე ასაფეთქებელი ხელსაწყო ახალი დადებული იყო. აფეთქების შედეგად 15 გარდაიცვალა, ხოლო 4 მშვიდობიანი მოსახლე მძიმედ დაიჭრა.
აფეთქება მოხდა კუნდიზის პროვინციაშიც, სადაც ტერორისტმა თვითმკვლელმა პოლიციის მანქანა გაიტაცა და თავი აიფეთქა, რომლის დროსაც 14 ადამიანი დაშავდა, მათ შორის 5 სამხედრო პირია.
"ინტერპრესნიუსი"