აზერბაიჯანი სამხედრო ბიუჯეტს 1,5-ჯერ ზრდის. აზერბაიჯანის პარლამენტმა დაამტკიცა 2011 წლის სახელმწიფო ბიუჯეტი, რომელიც სამხედრო სფეროს ხარჯების გაზრდას ითვალისწინებს.

"როიტერის" ინფორმაციით, დოკუმენტის თანახმად, 2011 წელს აზერბაიჯანის თავდაცვის სამინიტროს დაფინანსება 2,5 მილიარდი მანათით განისაზღვრა, რაც 3,1 მილიარდ დოლარს შეადგენს. უწყების დაფინანსება 1,6 მილიარდ აშშ დოლარს შეადგენდა.

აღსანიშნავია, რომ აზერბაიჯანი თავდაცვის სამინიტრო ხარჯების გაზრდას არ გეგმავდა. 2010 წლის 6 ოქტომბერს გავრცელებულ ინფორამაციაში საუბარი იყო სამხედრო ხარჯების მხოლოდ 10%-ით გაზრდაზე, რომლის შემთხვევაშიც აზერბაიჯანის სამხედრო ბიუჯეტი 1. 325 მილიარდი მანათი იქნებოდა. აქედან 1. 237 მილიარდი უნდა მოხმარებოდა შეიარაღებული ძალების შენახვას, ხოლო დარჩენილი თანხა დაიხარჯებოდა ეროვნული უსაფრთხოებისა და სამეცნიერო-საკონსტრუქტორო სამუშაოების დაფინანსებაზე.

"იტარ-ტასის" ცნობით, 2011 წელს 1,1 მილიარდი მანათი აზერბაიჯანის შეიარაღებული ზალების მოდერნიზაციასა და ახალი სამხედრო ტექნიკის შეძენისთვის დაიხარჯება. გარდა ამისა, თანხის დიდი ნაწილი თავდაცვის საწარმოების განვითარებას მოხმარდება.

აზერბაიჯანის ფინანსთა მინისტრის, სამირ სარიფოვის თქმით, თავდაცვის სამინისტროს ხარჯების ზრდა მთიან ყარაბაღში დაძაბულობის ზრდას უკავშირდება. 2010 წლიდან სომხეთ-აზერბაიჯანის საზღავრზე სომხეთის გააქტიურების შედეგად 18 ჯარისკაცი დაიღუპა.

მანამდე გავრცელდა ინფორმაცია, რომ აზერბაიჯანმა ისრაელის კომპანია ELBIT SYSTEMS-თან გააფორმა კონტრაქტი ტ-72-ის ტანკის მოდერნიზების შესახებ. 2009 წელს დაიწყო მოლაპარაკებები თურქულ და ისრაელურ კომპანიებთან ტ-54-ისა და ტ-55 ტანკებისთვის მუხლუხების შეცვლისა და თვითმართვადი ხიდების დამონატაჟების თაობაზე.

"ინტერპრესნიუსი"