2012 წელს ავღანეთში იმსახურებს. პრინცი ავღანეთში სამხედრო სამსახურისთვის საბრძოლო ვერტმფრენ Apache-ის პილოტირების სპეციალურ კურსს გადის.
26 წლის პრინცი მოსამზადებელ კურსს მომავალი წლის მარტში შოტლანდიის კენგორმის მთიან რაიონში დაასრულებს. ბრიტანეთის თავდაცვის უწყების ექსპერტის თქმით, მთებში ფრენა პილოტებს "უცნობ ადგილებში ორიენტირების უნარჩვევებს განუვითარებს".
პრინცი ჰარი ყოველდღიურად ოთხ გაფრენას შეასრულებს, თითოეული სასწავლო ფრენის ხანგრძლივობა კი 2 საათი იქნება. ორი გაფრენა ღამით შესრულდება. "ავღანეთის მთიან რაიონებში პილოტირებისთვის ეს კარგი მომზადებაა", - აღნიშნა თავდაცვის სამინისტროს წარმომადგენელმა. შოტლანდიის მთებში მომზადების შემდეგ ჰარი აღმოსავლეთ ინგლისში მდებარე უეტიშემის ბაზაზე სამხედრო-საჰაერო ძალებში ზოგადი მომზადების 8-თვიან კურსს გაივლის.
პრინცი ჰარი, რომელიც ბრიტანეთის სამეფო ტახტის მემკვიდრეთა შორის მამამისისა და პრინც უილიამის შემდეგ რიგით მესამეა, ავღანეთის გილმენდის პროვინციაში 2007 წელს 10 თვის განმავლობაში სამხედრო მფრინავის სტატუსით მსახურობდა. თალიბების მიერ სამეფო ტახტის მემკვიდრის ტყვედ აყვანის საფრთხის გამო ავღანეთში პრინცის ყოფნა გასაიდუმლოებული იყო. ბრიტანეთის მასმედია და თავდაცვის სამინისტრო ინფორმაციის გაუხმაურებლობის შესახებ იყნენ შეთანხმებულნი. იმის გამო, რომ 2008 წელს პრინცის ადგილსამყოფელთან დაკავშირებით დასავლურ პრესაში ინფორმაციამ მაინც გაჟონა, ბრიტანეთის თავდაცვის უწყება იძულებული გახდა პრინცი ჰარი შინ დაებრუნებინა.
მომზადებულია Daily Mirror-ის მიხედვით.