ჩინეთში პილოტებისა და ეკიპაჟის წვრთნებისთვის ავიამზიდის ბეტონის მოდელი ააგეს. ბეტონის ხომალდი, რომელსაც საკუთარი კაპიტნის ხიდი, დასაფრენი ზოლი და კატაპულტი აქვს, ქალაქ ვუხანთან ახლოს ზღვის სანაპიროზე აღმართეს.
ბეტონის "ავიამზიდი" ჩინეთის სამხედრო-საზღვაო ავიაციის პილოტებს აუცილებელი უნარ-ჩვევების გამომუშავებაში, მსგავსი ტიპის ხომალდიდან აფრენისა და დაშვების შესწავლაში დაეხმარება და შეუცვლელ პერსონალს აუცილებელი პრაქტიკის მიღების შესაძლებლობას მისცემს.
გავრცელებულ ფოტოებზე ჩანს, რომ გემბანზე სუ-33 ტიპის გამანადგურებლები და სამხედრო-საზღვაო ავიაციის ვერტმფრენები დგას.
ანალიტიკოსების აზრით, ჩინეთმა გადაწყვიტა მძლავრი სამხედრო-საზღვაო ზესახელმწიფო გახდეს და წყნარ ოკეანეში ლიდერობისთვის იბრძოლოს.
მომზადებულია telegraph.co.uk-ის მიხედვით.