ესპანეთის ხელისუფლებამ შვეიცარიიდან ეგვიპტისკენ მცურავი რუსული ტვირთმზიდი გემი "ვისოკოგორსკი" დააკავა.
ესპანელი სამართალდამცავების მიერ გემის დაკავების მიზეზი, ზღვაში ნავთის გაჟონვა გახდა., რამაც გარემოს გარკვეული ეკოლოგიური ზიანი მიაყენა.
უცხოური საინფორმაციო საშუალებების ცნობით, ტვირთმზიდი ესპანეთის პორტ ალხესირასშია გადაყვანილი და მისი გათავისუფლება 150 ათასი ევროს თავდებით გადახდის შემთხვევაში მოხდება.
გემის მფლობელი რუსული კომპანიის წარმომადგენლებმა ტვირთმზიდის დაკავების შესახებ, ინფორმაცია დაადასტურეს, მაგრამ ზღვაში ნავთის ჩაღვრაზე კომენტარი არ გააკეთეს.
ზღვაში ნავთობის მიერ დატოვებული დიდი ლაქა საპატრულო თვითმფრინავმა ბისკაის ყურეში აღმოაჩინა. აღნიშნულ საზღვაო მარშუტზე მცურავი გემების განრიგი შემოწმდა და ესპანეთის შესაბამისი უწყების მიერ, რუსული მშრალი ტვირთმზიდი გემის დაკავებაც გადაწყდა.
"ინტერპრესნიუსი"
მთავარი გვერდი
თამაშები
