ღორის გრიპს რუსეთში 4 ადამიანი ემსხვერპლა. ამის შესახებ დღეს რუსეთის ჯანდაცვის სამინისტრომ განაცხადა.
ოფიციალური მონაცემებით, 3 შემთხვევა ბაიკალის ოლქში, ხოლო ერთი – მოსკოვში დაფიქსირდა.
A/H1N1 ვირუსის საწინააღმდეგო ვირუსის ვაქცინაცია რუსეთში დეკემბერში უნდა დაიწყოს. ვაქცინაცია უფასო იქნება. პირველ ეტაპზე აცრილი იქნებიან სამედიცინო დაწესებულებების, სატრანსპორტო სამსახურების, კავშირგაბმულობისა და კომუნალური სამსახურების თანამშრომლები. მეორე ეტაპზე აცრილი იქნება 30 მლნ ბავშვი, მოზარდი, სტუდენტი, სამხედრო და ფეხმძიმეები.