აშშ-ის სახელმწიფო მდივანმა ჰილარი კლინტინმა შეშფოთება გამოთქვა იმასთან დაკავშირებით, რომ სირია "ჰეზბოლას" თანამედროვე იარაღით მომარაგებას განაგრძობს. ამის შესახებ მან გაზეთ "ალ-ნაჰარისთვის" მიცემულ ინტერვიუში განაცხადა.
"ჩვენ ყველას, მათ შორის სირიას, "ჰეზბოლას" მსგავსი დაჯგუფებების თანამედროვე იარაღით მომარაგების საფრთხის შესახებ ვაფრთხილებთ", - განაცხადა კლინტონმა. სახელმწიფო მდივანმა ლიბანის შიდა საქმეებში დამასკოს ჩარევის საკითხი განიხილა.
აშშ-ის სახელმწიფო მდივანმა "ჰეზბოლას" შეახსენა, რომ ლიბანის ყოფილი პრემიერ-მინისტრის რაფიკ ჰარირის მკვლელობის შესახებ საერთაშორისო ტრიბუნალის ანგარიშის საპასუხოდ ძალის გამოყენება დაუშვებელია. როგორც მოსალოდნელია, პოლიტიკოსის მკვლელობაზე პასუხისმგებლობას ამ დაჯგუფებას დააკისრებენ.
ცოტა ხნის წინ მედიაში გავრცელდა ინფორმაცია, რომ "ჰეზბოლა" ქვეყნის შიგნით გადატრიალებას ამზადებდა.
მომზადებულია annahar.com-ის მიხედვით.