ქართველთა ეთნიკური ნიშნით დევნა მოსკოვში

აფხაზეთიდან დევნილ ედუარდ ღურწკაიას მკვლელობაში ეჭვმიტანილ მილიციელს, ანვარ იბრაგიმოვს ბრალდებას დღეს წაუყენებენ. ამის შესახებ "ინტერფაქსი" იტყობინება.რუსეთის ფედერაციის სამძებრო კრიმინალური პოლიციის მოსკოვის სამძებრო განყოფილების უფროსის ანატოლი ბაგმეტის განცხადებით, მილიციის თანამშრომლებს, რომელსაც ღურწკაიას მკვლელობა ედება ბრალად, ბრალდებას ორი მუხლით 286 და 111 მუხლებით წაუყენებენ, ხოლო მასალები სასამართლოს გადაეგზავნება. ედუარდ ღურწკაიას მკვლელობის ფაქტს ეთნიკური ნიშნით შურისძიებას უწოდებს ქართული მხარე. საქართველოს პარლამენტის თავჯდომარე ამბობს, რომ ღურწკაიას სიკვდილში ყველა ის რუსი პოლიტიკოსია დამნაშავე ,ვინც წლების განმავლობაში ქართველებისგან მტრის ხატს ქმნის. აფხაზეთიდან დევნილი ედუარდ ღურწკაია 23 ნოემბერს მოსკოვის სამხრეთ-აღმოსავლეთ რაიონში ცემით მოკლეს. დანაშაულში ეჭვმიტანილი მილიციის სამი თანამშრომელი იყო, თუმცა ორი მათგანი გაათავისუფლეს. ედუარდ ღურწკაიას საქართველოში გადმოსვენების ხარჯებს საქართველოს ლტოლვილთა და განსახლების სამინისტრო გაიღებს.