"რუსეთს სალვადორისთვის აფხაზეთისა და სამხრეთ ოსეთის დამოუკიდებლობის აღიარების თხოვნით არ მიუმართავს, ამის შესახებ სალვადორელ კოლეგა უგო მარტინესთან მოლაპარაკებების შემდეგ რუსეთის საგარეოს საქმეთა მინისტრმა სერგეი ლავროვმა განაცხადა.
"ჩვენი სალვადოელი კოლეგებისთვის აფხაზეთისა და სამხრეთ ოსეთის დამოუკიდებლობის აღიარება არ გვითხოვია, - აღნიშნა მინისტრმა, - ჩვენ მხოლოდ ამ რესპუბლიკების გარშემო შექმნილ ვითარებას განვიხილავდით, რადგან 2008 წლის მოვლენების შემდეგ, გაერო რეგიონში შექნილი ჰუმანიტარული სიტუაციის კვლავ პოლიტიზირებას ცდილობს".
ლავროვმა ხაზგასმით აღნიშნა, რომ რუსეთი მადლიერებას გამოხატავს სალვადორის მიმართ, რომელმაც ამ საკითხთან დაკავშირებით საქართველოს მიერ მიღებულ რეზოლუციას, რომელსაც ჟენევაში განიხილავენ, მხარი არ დაუჭირა.
როგორც სალვადორის საგარეო საქმეთა მინისტრმა უგო მარტინესმა განაცხადა, ”ჩვენ ვაანალიზებთ ვითარებას და სალვადორი მომავალშიც მიიღებს ინფორმაციას რეგიონში შექმნილი ვითარების შესახებ".
"მიგვაჩნია, რომ ნებისმიერი სახის კონფლიქტი და უთანხმოება დიალოგის გზით უნდა გადაწყდეს, - აღნიშნა მარტინესმა, - ეს არის მექანიზმი, რომელიც ამგვარ სიტუაციებში პირველი რიგში, უნდა ამოქმედდეს".
მომზადებულია osinform.ru-ს მიხედვით.