ნატომ, შესაძლოა, რუსეთის ავიაცია ტვირთების გადასაზიდად გამოიყენოს. აღნიშნულ ინფორმაციას, ფედერაციის სამხედრო საჰაერო ძალების მეთაურის განცხადებაზე დაყრდნობით, "გაზეტა.რუ" ავრცელებს.
ინტერნეტ-გამოცემის ცნობით, სხვადასხვა ქვეყნების სამხედრო ატაშეებთან შეხვედრისას ალექსანდრ ზელინმა აღნიშნა, რომ გადაწყვეტილება რუსულმა მხარემ მას შემდეგ მიიღო, რაც ნატო-სთან საჰაერო სივრცის გაკონტროლებისას მონაცემთა გაცვლის შეთანხმებას მიაღწია.
"ჩვენ ნატო-სთან ერთად გადავწყვიტეთ საკითხი, რომელიც საჰაერო სივრცის გაკონტროლებისას მონაცემთა ბაზების გაცვლას ეხება. ამჟამად რუსეთის სამხედრო-საჰაერო ძალების ნატო-ს ინტერესებში გამოყენებაზე ვმსჯელობთ, კერძოდ, საკითხი ტვირთების გადაზიდვას ეხება", - განაცხადა ზელინმა.
"ინტერპრესნიუსი"