პოლონეთის სენატის მარშალი ბოგდან ბორუსევიჩი ვარშავაში საქართველოს პარლამენტის თავმჯდომარეს დავით ბაქრაძეს შეხვდა. შეხვედრაზე ორმხრივ და საქართველო-რუსეთის ურთიერთობებზე ისაუბრეს.
პოლონურ მხარესთან შეხვედრაზე ბაქრაძემ განაცხადა, რომ საქართველო აფხაზეთის და სამხრეთ ოსეთის საქართველოში ინტეგრირებისთვის ეკონომიკის, ჯანდაცვის და მოქალაქეობის საკითხთან დაკავშირებით რიგ ნაბიჯებს დგამს.
ბორუსევიჩის აზრით, ორივე რეგიონთან ურთიერთობის შენარჩუნების მცდელობა, გონივრული და ეფექტური პოლიტიკაა. მისი თქმით, ასევე მნიშვნელოვანია ის, რომ რუსეთიდანაც "პოზიტიური ნიშნები მოდის". სენატის მარშალის აზრით, "საქართველო-რუსეთს შორის დაძაბულობა მნიშვნელოვნად განიმუხტა".
"რუსეთმა ქართული სოფლიდან ჯარი გაიყვანა. ეს აშკარად პოზიტიური ნაბიჯია. როგორც ჩანს, რუსეთშიც მიხვდნენ, რომ კონფლიქტის მხოლოდ სამხედრო გზით გადაწყვეტა შეუძლებელია, რომ აუცილებელია შეთანხმების მიღწევა", - განაცხადა ბორუსევიჩმა.
მომზადებულია regnum.ru-ს მიხედვით.