ვარშავაში ნატო-ს საპარლამენტო ასამბლეის სესია დასრულდა. ოთხდღიანი მუშაობის შედეგად სხდომის მონაწილეებმა ავღანეთში ნატოს კონტინგენტის, ბირთვული უსაფრთხოებისა და რაკეტსაწინააღმდეგო თავდაცვითი სისტემის, ასევე რუსეთთან სტრატეგიული პარტნიორობის, ენერგეტიკისა და კლიმატის საკითხების შესახებ 15 რეზოლუცია მიიღეს.
პარლამენტარებმა დეიტონის სამშვიდობო შეთანხმების დადებიდან 15 წლის შემდეგ ბალკანეთის ნახევარკუნძულზე არსებული ვითარება, ასევე რუსეთთან, უკრაინასა და ევროკავშირთან ნატოს ურთიერთობა განიხილეს.
ნატო-ს საპარლამენტო ასამბლეის ახალ თავმჯდომარედ გერმანიის წარმომადგენელი კარლ ლამერსი აირჩიეს. მისი ხუთი მოადგილე კი ლიტვის, პოლონეთის, დიდი ბრიტანეთის, საფრანგეთისა და აშშ-ის წარმომადგენელი გახდა. სესიის შემდეგ, პოლონური დელეგაციის წევრებმა განაცხადეს, რომ ნატო-სა და რუსეთის ურთიერთობის შესახებ ბევრი რამ ითქვა. "დღეს ურთიერთობებში ახალი ეტაპი დაიწყო. ნატო რუსეთს კარს უღებს", - აღნიშნა პოლონეთის მმართველი პარტიის "სამოქალაქო პლატფორმის" წარმომადგენელმა ანჯეი გალაჟევსკიმ.
პარტია "მემარცხენე დემოკრატიული ძალთა კავშირის" წევრმა სტანისლავ ვზიონტეკმა ყურადღება იმაზე გაამახვილა, რომ ღონისძიებას ნატო-ს გენერალური მდივანი ანდერს ფოგ რასმუსენი არ ესწრებოდა, რაც მისი შეფასებით, "ნატო-ს საპარლამენტო ასამბლეის შეურაცხყოფა" იყო.
მომზადებულია regnum.ru-ს მიხედვით.