უკრაინის თავდაცვის სამინისტრო კატეგორიულად უარყოფს გავრცელებულ ინფორმაციას, თითქოს ამ ქვეყნის ერთ-ერთი ფრეგატის სამხედრო ეკიპაჟი ამბოხდა და ის ბათუმისკენ მოემართება.
ერთ-ერთი უკრაინელი ბლოგერის მტკიცებით, სამხედრო ფრეგატი "გეტმან საგაიდაჩნი" უკრაინის სამხედრო საზღვაო ფლოტს აღარ ემორჩილება. მისი ცნობით, შუა ზღვაში მეცადინეობების შემდეგ, "გეტმან საგაიდაჩნი"-ს ეკიპაჟმა სევასტოპოლში მდებარე ბაზაზე დაბრუნებაზე უარი განაცხადა.
ეკიპაჟის პროტესტის მიზეზი უკრაინაში რუსული ენის გაძლიერებას, უკრაინის მასობრივი საინფორმაციო საშუალებების ცენზურას და უკრაინის ტოტალიტარიზმთან დაახლოებას უკავშირდება.
გარდა ამისა, ეკიპაჟის ოფიცრები დაბალი ხელფასებითაც უკმაყოფილონი არიან. ბლოგერის მტკიცებით, გემზე ნატო-ს დროშაა აღმართული და სამხრეთ-აღმოსავლეთისკენ, სავარაუდოდ ბათუმისკენ მიცურავს. აღნიშნულის გამო უკრაინისა და რუსეთის სასაზღვრო დაცვაში განგაშია გამოცხადებული.
"ინტერპრესნიუსი"
მთავარი გვერდი
თამაშები
