აფხაზეთში მშვიდობიან მოსახლეობაზე თავდასხმები გრძელდება. რუსი ოკუპანტები ნაბაკევში ახალგაზრდა ცოლ-ქმარს დაესხნენ თავს. აგრესორებმა მათი ავტომანქანა გააჩერეს და ფეხმძიმე ქალბატონს და მის მეუღლეს 500 დოლარი მოსთხოვეს. ოკუპანტები მათ ფიზიკურად გაუსწორდნენ. ლია ღურწკაია უმძიმეს მდგომარეობაში სოხუმის საავადმყოფოშია გადაყვანილი. აგრესორებს უკვე მეოთხე დღეა ტყვეობაში ჰყავთ 45 წლის თამაზ ჯობავაც. იგი საოკუპოაციო ჯარის წარმომდგენლებმა თევზაობის დროს გაიტაცეს და გამოსასყიდი თანხა 50 ათასი დოლარი მოთხოვეს. ფაქტის გახმაურების შემთხვევაში, კი ოჯახის წევრებს თამაზ ჯობავას მოკვლით დაემუქრნენ.