ისრაელის არმიის სამხედრო მოსამსახურეებმა ექვსი პალესტინელი მოკლეს: სამი მათგანი მდინარე იორდანეს დასავლეთ სანაპიროზე და სამიც - ღაზას სექტორში. ისრაელის ჯარის წარმომადგენელმა სააგენტო ”როიტერს” განუცხადა, რომ სამი პალესტინელი, რომლებიც ისრაელში შეჭრას ღაზას სექტორიდან ცდილობდნენ, საჰაერო დარტყმის შედეგად მოკლეს.
პალესტინელი მედიკოსების მოწმობით, სამი პალესტინელი, რომლებიც პრეზიდენტ მახმუდ აბასის ორგანიზაცია ”ФАТХ”-თან დაკავშირებული შეიარაღებული დაჯგუფების წევრები იყვნენ, მდინარე იორდანეს დასავლეთ სანაპიროზე ქალაქ ნაბლუსში ჩაცხრილეს.
ეს ორი ინციდენტი მდინარე იორდანეს დასავლეთ სანაპიროზე ებრაელის მკვლელობიდან 2 დღის შემდეგ მოხდა.
მომზადებულია bbc.co.uk-ის მიხედვით.
მთავარი გვერდი
თამაშები
