 |
ტოპ მომხმარებლები |
 |
 |
| Admin Generalissimo | სიახლე: კომენტარი: პოსტი: | 1503 237 217 |
| Checked Major | სიახლე: კომენტარი: პოსტი: | 215 207 29 |
| Moder Major | სიახლე: კომენტარი: პოსტი: | 122 185 87 |
| Admin Colonel general | სიახლე: კომენტარი: პოსტი: | 51 93 11 |
| Checked Private | სიახლე: კომენტარი: პოსტი: | 27 49 5 |
|  |
 |
 |
 |
|
|
|
|
იმუნიტეტი კი გიცავთ, მაგრამ პატივი ეცით ჩემს ქვეყანას! |
|
|
|
თბილისში, სასტუმრო "ვარაზთან" მომხდარ ჩხუბს, რომელშიც სამი ამერიკელი სამხედროც მონაწილეობდა, შესაბამისი გამოხმაურება მოჰყვა, თუმცა პოლიტიკურ აჟიოტაჟში არ გადაზრდილა. შეიძლება რუსეთის პროპაგანდისტულ მანქანას ძალიანაც უნდოდა ამ ინციდენტის გაბერვა, მაგრამ ვერაფრით მოახერხა, რადგან ჩხუბს, ჩანს, მართლაც მხოლოდ საყოფაცხოვრებო მიზეზები ჰქონდა.
მიუხედავად ამისა, საქართველოს ნებისმიერი მოქალაქისთვის ძნელი ასატანია, რომ უცხო, თუნდაც მეგობარი ქვეყნის არმიის წარმომადგენელი შენს დედაქალაქში მუშტებს და, მით უმეტეს, ბოთლებს აქეთ-იქით იქნევს.
აყალმაყალი ამერიკელ სამხედროებთან პირველად არ მომხდარა და ზოგიერთი შემთხვევა საგანგებოდ მიიჩქმალა. თუმცა ბევრ ფოთელს ემახსოვრება ამერიკელ სამხედრო მეზღვაურთა გათამაშება ერთ-ერთი რესტორნის ოფიციანტ ქალებთან, რაც ამერიკელი მეზღვაურების ცემით დასრულდა. ისე, საპორტო ქალაქებისთვის ამგვარი რამ უცხო ხილი არ არის და ასეთი საქციელი არა მარტო ამერიკელი, არამედ სხვა ქვეყნის მეზღვაურებისთვისაც ჩვეულებრივი ამბავია.
აშშ-მა იცოდა თავისი სამხედროების ხასიათი და ეტყობა, რამდენიმე წლის წინ საქართველოსთან ხელმოწერილი სამხედრო თანამშრომლობის შესახებ ხელშეკრულებაში ამიტომ მიუთითა მკაფიოდ, საქართველოში მივლინებით მყოფი ამერიკელი სამხედროები სარგებლობენ დიპლომატიურ სტატუსთან გათანაბრებული იმუნიტეტითო. თუკი ამერიკელი სამხედრო საქართველოში ჩაიდენს დანაშაულს, იგი გადაეცემა ამერიკულ მხარეს და მას აშშ-ის სამხედრო სასამართლო გაასამართლებს.
ამ იმუნიტეტის შესახებ, რა თქმა უნდა, ეცოდინებათ საქართველოში მყოფ ამერიკელ სამხედროებს, მაგრამ იმედი გვაქვს, ეს არ გაათამამებთ და პატივს სცემენ ჩვენი ქვეყნის კანონებს.
ირაკლი ალადაშვილი
გაზეთი "კვირისპალიტრა"
|
|
|
|
|
|
|
 |
მეგობრები |
 |
 |
|
 |
 |
 |
 | |
მთავარი გვერდი
თამაშები
