ავღანეთში 1 000 ჯარისკაცის გაგზავნით, საქართველო ამერიკის პრეზიდენტის ბარაკ ობამას ახალი ავღანური კამპანიის ერთ-ერთი მხარდამჭერი ხდება. ევროინტეგრაციისა და ევროატლანტიკური ურთიერთობების სახელმწიფო მინისტრი გიორგი ბარამიძე ამ გადაწყვეტილების მიზანს გვიხსნის

რას ელის საქართველო ამ გადაწყვეტილებიდან?

- ჩვენ იმის დემონსტრირება გვსურს, რომ საქართვველომ ნატო-ში გაწევრიანებაზე სურვილი არამხოლოდ საკუთარი უსაფრთხოების, არამედ თავად ალიანსის გაძლიერების პროცესში მონაწილეობის სურვილის გამოც გამოსთქვა. ჩვენ გვინდა ყველას დავანახოთ, რომ ამ ფორმატში ნატო-ს წევრობის უნარი შეგვწევს, რომ უსაფრთხოების საერთო საზრუნავს ჩვენს თავზეც ვიღებთ და ვიზიარებთ იგივე ფასეულობებს, რასაც ალიანსის სხვა წევრები. ჩვენ მზად ვართ ამისთვის გავიღოთ ადეკვატური საფასური და უფრო მეტიც, ჩვენი ჯარისკაცები მზად არიან ამისთვის საკუთარი სიცოცხლე საფრთხის ქვეშ დააყენონ.

რა რის მთავარი წინაღობა საქართველოსთვის ნატო-ში გაწევრიანების გზაზე?

- საჭიროა ჩვენი ინსტიტუტების ნატო-ს სტანდარტებთან შესაბამისობაში მოყვანა. როდესაც ტექნიკურად მზად ვიქნებით (სამი-ოთხი წლის განმავლობაში) ამ საკითხს მხოლოდ პოლიტიკური გადაწყვეტილება დასჭირდება, რომელიც 28 წევრმა ქვეყანამ უნდა მიიღოს. ოთხ წელიწადში მსოფლიოში განსხვავებული ვითარება იქნება.

ოთხ წელიწადში ვლადიმერ პუტინი ალბათ რუსეთის ახალი პრეზიდენტი გახდება. არ ფიქრობთ, რომ ის კვლავ წინ აღუდგება თქვენს ნატო-ში გაწევრიანებას?

- ალბათ პუტინი გახდება პრეზიდენტი, მაგრამ ჩვენ ამ საკითხში წევრი ქვეყნების ნდობის მოპოვებას ვცდილობთ, ვითვალისწინებთ მათ რჩევებს და როგორც ახლა პარიზში მითხრეს, ორგანიზაციის წევრები რუსეთის ვეტო-ს აღარ მიიღებენ.