10-მდე შეიარაღებული მეკობრე ტანკერს სომალის სანაპიროდან 1 300 კმ-ის მოშორებით, დღეს გამთენიისას დაესხა თავს. თავდამსხმელებმა ხომალდის ბორტზე მყოფი ეკიპაჟის 28 წევრი დაატყვევეს. მათ შორის 16 ფილიპინელი, 9 ბერძენი, 2 უკრაინელი და ერთი იტალიელი მეზღვაურია.

სომალის წყლებში მცურავ ხომალდებზე მეკობრეების თავდასხმების რიცხვმა მიმდინარე წლის განმავლობაში განსაკუთრებით იმატა. აქედან გამომდინარე რეგიონში გემების უსაფრთხოების დაცვის მიზნით ევროკავშირის საზღვაო ძალების სამხედრო ხომალდები 24 საათის განმავლობაში პატრულირებენ, თუმცა, ამის მიუხედავად მეკობრეები თავდასხმების განხორციელებას მაინც ახერხებენ.

"ინტერპრესნიუსი"