მოწინააღმდეგის შეცდომაში შეყვსაყვანად ხორციელდება ღონისძიებათა კომლექსი, რომელთა მიზანია მოწინააღმდეგეს მიეწოდოს დეზინფორმაცია საკუთარი ჯარების შემადგენლობის, მდგომარეობის და მოქმედებების რეჟიმების შესახებ.
განვიხილოთ შეცდომაში შეყვანის ხერხები და მათი განხორციელებისთვის საჭირო ღონისძიებები (მეთოდები).
დეზინფორმაცია. მისი მიზანია საკუთარი ჯარების განლაგების, მდგომარეობის, შემადგენლობის და მოქმედებების გეგმების შესახებ ცრუ ინფორმაციის გავრცელება:
მოქმედი ან სპეციალურად შექმნილი არხებით ცრუ ინფორმაციის გავრცელება;
ღია ან დახურული არხებით, რომელთა მოსმენაც სავარაუდოდ შესაძლებელია მოწინააღმდეგის მხრიდან, სპეციალურად შექმნილი ჯგუფების ან მეთაურობის მიერ დეზინფორმაციის შემცველი საუბრების წარმოება;
მასმედიის ან მოსახლეობის მეშვეობით ცრუ მონაცემების ან ხმების გავრცელება;
სამსახურეობრივი საბუთების განზრახ დაკარგვა;
ტყვეების უკან დაბრუნება ცრუ ინფორმაციებით.
2. დემონსტრაციული მოქმედებები. ხორციელდება სპეციალურად გამოყფილი ძალების და საშუალებების მიერ მოწინააღმდეგის ყურადღების გადასატანად მთავარი ამოცანიდან მეორეხარისხოვან მიმართულებებზე:
- ცრუ დაჯგუფებების შექმნა და მათი მოქმედებების იმიტირება;
- ჯარების გადაადგილებები მოწინააღმდეგის ყურადღების გადასატანად მთავარი მიმართულებიდან (ამოცანიდან);
- ობიექტების აშენება, რადარების და სხვა ტექნიკის ფუნქციონირება შენიღბვის მოთხოვნების განზრახ დარღვევით;
- სპეციალური სწავლებების და მანევრების განხორციელება მოწინააღმდეგის დაზვერვის ყურადღების გადასატანად ძირითადი მოქმედებებისაგან;
- სპეციალური რადიოელექტრონული მოწყობოლობების შექმნა და საიმიტაციო ფუნქციონირება.
3. იმიტაცია:
- ცრუ ობიექტების, პოზიციების შექმნა;
-ცრუ რადიოლოკაციური ველის შექმნა.

იმიტაციისთვის უნდა გამოვიყენოთ მოძველებული ან შეიარაღებიდან მოხსნილი ტექნიკა და მოწყობილობები. ამიტომ ახალი ტქნიკის შეძენის შემდეგ ძველის, განსაკუთრებით რადარების და რედიოსადგურების ჩამოწერის და განადგურების შესახებ გადაწყვეტილება აუჩქარებლად უნდა იქნას მიღებული, რადგან მათი გამოყენება შესაძლებელი იქნება შენიღბვის ღონისძიებებისთვის და მოწინააღმდეგის შეცდომაში შესაყვანად. როგორც ზემოთ აღვნიშნეთ, საჰაერო მოწინააღმდეგის მიერ პირველი დარტყმები საჰაერო თავდაცვის ობიექტებზე იქნება მიყენებული. ცრუ პოზიციების მოწყობით და ამ პოზიციებზე რადარების ფუნქციონირებით შესაძლებელია მოწინააღმდეგის ძალისხმევის გაფანტვა და მის მიერ იერიშების მიტანა ცრუ პოზიციებზე.
ყველა ზემოთჩამოთვლილი ხერხი და მეთოდი გამოყენებული უნდა იქნას გონივრულად როგორც მშვიდობიანობის, ისე საბრძოლო მოქმედებების წარმოების პერიოდში.
შენიღბვა და საინფორმაციო უსაფრთხოება განსაკუთრებულ მნიშვნელობას შეიძენს ნატო-ს საჰაერო თავდაცვის ერთიან სისტემაში ჩართვის შემდეგ. ამ მხრივ საკმაოდ მაღალ სტანდარტებთან მიახლოვება მოგვიწევს, რაც დღეს უნდა იქნას გათვალიწინებული, რათა ხვალ შექმნილი სისტემის გადასაკეთებლად არ მოგვიწიოს რესურსების არარაციონალურად გამოყენება და დამატებითი დანახარჯების გაწევა.

ამირან სალუქვაძე
საჰაერო ძალების სარდალი 2003-2005 წ.წ.