“ორივეს გვსურს თანამშრომლობა, მაგრამ საქართველოს საკითხზე ნატო –რუსეთის საბჭო შეთანხმებას მალე ვერ მიაღწევს, რადან ჩვენ მხარს ვუჭერთ საქართველოს ტერიტორიულ მთლიანობას”, - განაცხადა გენერალურმა მდივანმა
იაპ დე ჰოოპ სხეფერმა.

მისივე თქმით პრობლემები ისევ არსებობს, განსაკუთრებით რუსეთის მიერ საერთაშორისო მისიების დაბლოკვა საქართველოში, თუმცა ალიანსის წევრებმა უნდა განაგრძონ მუშაობა, “არავინ ცდილობს ჩვენი განსხვავებული პოზიციების დამალვას, მაგალითად საქართველოს საკითხზე, თუმცა ეს იმას არ ნიშნავს რომ ამ უთანხმოებებმა ნატო –რუსეთის საბჭოს მუშაობა ჩიხში უნდა შეიყვანოს”, – დაამატა იაპ დე ჰოოპ სხეფერმა.

თუმცა რუსეთის პოზიცია კვლავ შეუვალია. საგარეო მინისტრის, სერგეი ლავროვის განცხადებით, ნატომ კავკასიაში ახალი რეალობა უნდა გაითვალისიწნოს.