რუსეთი და ნატო ერთობლივ საიდუმლო პროექტ Standex-ზე მუშაობას ასრულებენ, რომელსაც კამიკაძე ტერორისტების სხეულზე ასაფეთქებელი მოწყობილობის აღმოჩენა შეუძლია.

ასაფეთქებელი მოწყობილობების დისტანციური აღმოჩენის სისტემებს პირველად პარიზის მეტროში გამოცდიან. მოწყობილობის ადგილმდებარეობა, რომელსაც "ელექტრონული ცხვირი" უწოდეს, ყველასთვის უცნობი იქნება.

Standex-ის პროექტმა უკვე წარმატებით გაიარა სამეცნიერო-კვლევითი და გამოსაცდელი სტადია. 2 მარტს რუსეთი-ნატო-ს საბჭოს სხდომაზე პროექტის პრეზენტაცია გაიმართა, რომელსაც ნატო-ს საერთაშორისო სამდივნოს გამოწვევებისა და საფრთხეების დეპარტმენტის უფროსი ჯიმი შეა ხელმძღვანელობდა.

სისტემის გამოცდა მომავალშიც გაგრძელდება. ტექნოლოგიის სერიული წარმოება სოჭის ოლიმპიადამდე დაიწყება.

მოწყობილობის გამოცდის ადგილად საფრანგეთი შემთხვევით არ შერჩეულა - ის ერთ-ერთია იმ ხუთ ქვეყანას შორის, რომლებიც ანტიტერორისტულ პროექტს აფინანსებენ. მათ შორისაა ასევე რუსეთი, აშშ, გერმანია და ნიდერლანდები. ყველა მათგანი ამ ინტელექტუალური ანტიტერორისტული სისტემის შექმნაზე საავტორო უფლებით სარგებლობს.

მომზადებულია kommersant.ru-ს მიხედვით.

ყარზაის უმცროსი ძმის აჰმედ ვალის (Ahmad Wali Karzai) თქმით, სახელმწიფოს მეთაურის ბიძაშვილი - ხაჯი იარ მუჰამედ ხან ყარზაი (Haji Yar Mohammad Khan Karzai) ამერიკელებმა შემთხვევით მოკლეს.

ინციდენტი ავღანეთის პრეზიდენტის მშობლიურ სოფელ კარზში ამერიკელი სამხედროების რეიდის დროს მოხდა. ირანელი ჟურნალისტების ვერსიით, ამერიკელებმა სოფლის ერთ-ერთ სახლზე თავდასხმის დროს იქ მყოფ ხაჯი იარ ყარზაის ესროლეს.

ხაჯი იარ ყარზაის გარდაცვალება კანდაგარის ხელისუფლებამ უკვე დაადასტურა. გუბერნატორმა ჰამდულა ნაზეკმა (Hamdullah Nazek) განაცხადა, რომ მომხადრთან დაკავშირებით გამოძიება უკვე დაწყებულია. მისი თქმით, რეიდი, რომლის დროსაც პრეზიდენტის ბიძაშვილი მოკლეს, 9 მარტს ღამით დაიწყო.

მომზადებულია presstv.ir-ის მიხედვით.

გიორგი VII-ის მეფობის პერიოდი საქართველოში თემურ-ლენგის გამანადგურებელ ლაშქრობებს დაემთხვა. გიორგი მეფის მოვალეობას ასრულებდა ჯერ კიდევ ბაგრატ V-ის ტყვეობის დროს. იგი იყო ორგანიზატორი იმ ჩასაფრებისა, რომელიც ბაგრატის წინამძღოლობით საქართველოში შემოსულ თემურის ჯარს მოუწყვეს ქართველებმა.

გიორგის გამეფებიდან მეორე წელს (1394) თემურ-ლენგი მესამედ შემოიჭრა საქართველოში. რატომ დაბრუნდა თემური 1394 წელს საქართველოში, ამის შესახებ მემატიანეები არაფერს ამბობენ. თემურ-ლენგის მეხოტბე ისტორიკოსო შერეფ ად-დინი თავისი მბრძანებლის საგმირო საქმეების აღწერისას ყოველთვის აცხადებს, რომ თემურს მიზნად მაჰმადიაობის გავრცელება ჰქონდა დასახული. ამიტომ ლაშქრობათა ნამდვილი და კონკრეტული მიზეზის დასახელებას იგი ადვილად არიდებს თავს.

თემურის სარდლები პირველად ახალციხის მიდამოებს შეესივნენ, იქაური ციხეები დაანგრიეს და დიდი ნადავლით დატვირთულნი დაბრუნდნენ კოლაში, სადაც თემურს ბანაკი ჰქონდა მოწყობილი. ამიტომ ფიქრობდა ივ. ჯავახიშვილი, რომ სამცხეში თემური მის წინააღმდეგ დაწყებული აჯანყების ჩასაქრობად უნდა შეჭრილიყო. რამდენიმე ხნის შემდეგ თემური არაგვის ხეობისაკენ დაიძრა. აქ მან “შემუსრნა მთიულნი და სიმაგრენი მოაოხრა, არამედ ავნებდნენ დიდსა მთიულნი და სპანი მეფისანი მუნ მყოფნი სპათა თემურისათა, რომელთა ვერარაი ტყვე-ჰყვეს და უკუ მოიქცნენ” (ვახუშტი). ივ. ჯავახიშვილი თემურ-ლენგის მიერ არაგვის ხეობის დალაშქვრას უკავშირებს შერეფ ად-დინის ცნობას, რომ დარუბანდის გზით თოღთამიში ყივჩაღთა ულუსის ლაშქრითურთ შირვანში შეიჭრა და ზოგიერთი ადგილი ააოხ ... კითხვის გაგრძელება »

მინდა შემოგთავაზოთ ჩემი სტატია რომის იმპერიის მთავარ საბრძოლო ერთეულზე, ლეგიონზე:

რომაული არმიის სტრუქტურა საუკუნეთა მანძილზე იცვლებოდა. მსოფლიო ისტორიის მანძილზე ეს იყო ერთ-ერთი საუკეთესო სამხედრო სტრუქტურა. აქ მკაცრი დისციპლინა და წესრიგი სუფევდა. თითოეულ საჯარისო ერთეულს თავის დანიშნულება გააჩნდა და ბრძოლაში ადგილს გეგმის მიხედვით იკავებდა. რომაული არმია ლეგიონებად იყოფოდა. ეს სამხედრო დანაყოფი ყველაზე სრულყოფილი და კარგად ჩამოყალიბებული იყო და განსაზღვრული რაოდენობის და სხვადასხვა სახეობის ჯარებს აერთიანებდა.

რესპუბლიკის საწყის პერიოდში არმიას მარტივი სტრუქტურა ჰქონდა. ჯარისკაცები ცენტურიებად იყვნენ დაყოფილნი. ყოველ ცენტურიაში დაახლოებით 80-100 მეომარი შედიოდა. მოგვიანებით, როცა არმია გაიზარდა, ჯარისკაცები გაცილებით უფრო დიდ სამხედრო ერთეულებად, კოჰორტებად და ლეგიონებად დაიყო. კოჰორტაში 450-500 კაცი შედიოდა, ხოლო ლეგიონში 4500-6000(ერთ ლეგიონში 10 კოჰორტა იყო). ამას გარდა კოჰორტები და ლეგიონები იყოფოდნენ 120 კაციან შენაერთებად, მანიპულებად.

ლეგიონის პროფესიონალურ სამხედრო ძალად ჩამოყალიბება ცნობილ სარდალს, გაიუს მარიუსს მიეწერება. მან მთლიანად გარდაქმნა ჯარი და პროფესიულ მებრძოლ ძალად აქცია. მარიუსმა რომის ყველა მოქალაქეს მისცა არმიაში ჩაწერის უფლება. სახელმწიფო კი მათ შეიარაღებასა და მომზადებაზე ზრუნავდა. ყველას ერთნაირ იარაღს აძლევდნენ და ერთნაირად წვრთნიდნენ. მარიუსის რეფორმის შემდეგ ჯარისკაცებს ჯამაგირიც ეძლეოდათ, რაც დამატებით სტიმულს აძლევდა მეომრებს ... კითხვის გაგრძელება »

ჩინეთის სამხედრო ხარჯები 2011 წელს 2010 წელთან შედარებით 12,7%-ით გაიზრდება, განაცხადა ჩინეთის ხელისუფლების წარმომადგენელმა.

2011 წლის ჩინეთის სამხედრო ბიუჯეტი 91,5 მლრდ დოლარს (601იუანი) შეადგენს.

2010 წელს თავდაცვაზე ჩინეთში 532 იუანი იყო გამოყოფილი, რაც 2009 წლის მაჩვენებელთან შედარებით 7,5%-ით მეტია.

რუსეთი აპირებს ლიბიის სანაპიროსკენ 2 სამხედრო ხომალდი და საზღვაო ქვეითები გააგზავნოს. ინფორმაციას ამის შესახებ "როსბალტი" ავრცელებს.

სააგენტოს წყაროს ცნობით, მოსკოვში 250-300 სამხედრო-საზღვაო ქვეითისა და ორი ხომალდის გაგზავნის თემას აქტიურად განიხილავენ.

ცოტა ხნის წინ სამხედრო ხომალდები ლიბიის სანაპიროსკენ აშშ-მა გააგზავნა. შტატების თავდაცვის უწყებაში განმარტეს, რომ ამ ნაბიჯის გადადგმა შექმნილი ვითარებიდან გამომდინარე აუცილებელი იყო, თუმცა ამერიკელ სამხედროებს მათი მისიის შესახებ არაფერი უთქვამთ.

აშშ-ის მსგავსად, საპატრულო ხომალდი აფრიკული სახელმწიფოს სანაპიროსკენ კანადამაც გაგზავნა. განცხადება ამის შესახებ ქვეყნის პრემიერმა გააკეთა.

"ინტერპრესნიუსი"

რუსეთი ფრანგული მხარისგან ვერტმფრენმზიდ "მისტრალს" 1.5 მილიარდ ევროდ შეიძენს. სააგენტო "რია ნოვოსტის" ცნობით, ხელშეკრულება, რომელსაც მხარეები დადებენ, ითვალისწინებს 2 ვერტმფრენმზიდის და ამდენივეს მშენებლობის ლიცენზიის შეძენას.

როგორც რუსეთის თავდაცვის მინისტრის პირველი მოადგილემ, ვლადიმერ პოპოვკინმა ყოველკვირეულ გამოცემა "სამხედრო-სამრეწველო კურიერს" განუცხადა, ორივე ვერტმფრენმზიდს ექნება ყველა სანავიგაციო და ტექნიკური მოწყობილობა და ასევე სამხედრო საინფორმაციო-სამმართველო სისტემა.

პოპოვკინის თქმით, რუსეთი ვერტმფრენმზიდების ჩრდილოეთის წყლებსა და ყინულებში გამოყენებას აპირებს.

რამდენიმე რუსული გამოცემა იტყობინება, რომ "მისტრალის" შეძენასთან დაკავშირებული მოლაპარაკებები ფასის შეუთანხმებლობის გამო, ჩიხში შევიდა.

"რია ნოვოსტი" ვარაუდობს, რომ ლიცენზიის შეძენის შემდეგ აშენებული პირველი ხომალდის ღირებულება 720 მილიონი ევრო იქნება, მეორისა კი 650 მილიონი. ვერტმფრენმზიდები კრონშტადტში სპეციალურად აშენებულ ვერფებზე აშენდება.

მსოფლიო იარაღის ვაჭრობის ანალიზის ცენტრის გენერალური დირექტორის იგორ კოროტჩენკოს თქმით, მოლაპარაკებების საბოლოო შედეგზე ჯერ საუბარია ნაადრევია. მისივე თქმით, ხომალდების გაყიდვის შესახებ შეთახმება მხარეებს შორის უმაღლეს დონეზე გადაწყდა და მოსალოდნელია, რომ ქვეყნები გარკვეულ კომპრომისს მიაღწევენ.

უნივერსალური ხომალდი-ვერტმფრენმზიდი "მისტრალის" 160 სამხედრო პირისთვის არის განკუთვნილი, თუმცა დამატებით შესაძლებელია ... კითხვის გაგრძელება »

ლიბიის სამხედრო ავიაცია ქალაქ მარს-ალ-ბრეგას ბომბავს. ინფორმაციას "ბი-ბი-სი" ავრცელებს .

ქალაქი ოპოზიციის კონტროლქვეშ იმყოფება. გუშინ ამბოხებულებმა კადაფის მომხრე სამხედროების მოგერიება შეძლეს.

თვითმხილველების თქმით, ბომბები ნავთობის ტერმინალთან ახლოს აფეთქდა. ლიბიელი ამბოხებულები ამ დროისთვის ქვეყნის აღმოსავლეთ ნაწილს აკონტროლებენ.

ოპოზიციის წარმომადგენლები საერთაშორისო თანამეგობრობას მიმართავენ და კონფლიქტში ჩართვას თხოვენ. ისინი ცენტრალური აფრიკიდან კადაფის მიერ დაქირავებულების შემოტევების აღკვეთას ითხოვენ, რომლებსაც კადაფი საკუთარი ხალხის წინააღმდეგ იყენებს.

ავღანეთში 32-ე ბატალიონის კაპრალი გიორგი ავალიანი დაიღუპა. საქართველოს თავდაცვის სამინისტროს ინფორმაციით, გიორგი ავალიანი სამხედრო დავალების შესრულების დროს ნაღმზე აფეთქდა და დაიღუპა .
აფეთქების შედეგად დაჭრილები არიან კაპრალი ნიკოლოზ დეისაძე და კაპრალი ედნარ აბულაძე. ისინი ჰელმანდის პროვინციაში მსახურობდნენ.დაჭრილები სამხედრო ჰოსპიტალში გადაიყვანეს.
გიორგი ავალიანი საქართველოს შეიარაღებულ ძალებში 2008 წლიდან ირიცხება. სამხედრო სამსახურის პერიოდში მიღებული აქვს უწყებრივი მედალი საბრძოლო იარისთვის.
ავღანეთში დაღუპულ ქართველ ჯარისკაცთა რაოდენობა უკვე ექვსამდე გაიზარდა. ავღანეთში დაიღუპნენ მუხრან შუკვანი, ნუგზარ კალანდაძე, გიორგი კოლხიტაშვილი, დავით ცეცხლაძე და რამაზ გოგიაშვილი.
31-ე ბატალიონის ასეულის მეთაური მუხრან შუკვანი 2010 6 სექტემბერს დაიღუპა; ნუგზარ კალანდაძე, გიორგი კოლხიტაშვილი, დავით ცეცხლაძე და რამაზ გოგიაშვილი კი - 30 სექტემბერს.

ამერიკელ ფიზიკოსთა ჯგუფმა მოწყობილობა შექმნა, რომელიც ლაზერულ გამოსხივებას თითქმის მთლიანად შთანთქავს.

ჟურნალ Science-ში გამოქვეყნებულ სტატიაში აღნიშნულია, რომ აშშ-ის იელის უნივერსიტეტის სპეციალისტების მიერ შექმნილ ანტილაზერს ლაზერის სხივების თითქმის მთლიანად "დაშლა" შეუძლია.

ანტილაზერი განსაზღვრული სიხშირის 2 სხივს სილიკონზე დამზადებულ ოპტიკურ ღრუში ატარებს, სადაც ისინი სრულ გაფანტვამდე ბრუნავენ.

მსგავსი მოწყობილობის გამოყენება სამხედრო მიზნებით არის შესაძლებელი, მაგალითად ძლიერი ლაზერული იარაღისგან თავდაცვის მიზნით. თუმცა როგორც მკვლევართა ჯგუფის ხელმძღვანელი პროფესორი დუგლას სტოუნი აცხადებს: "ფოტონების მთელი ენერგია კი არ ქრება, არამედ სითბურ ენერგიად გარდაიქმნება. ამგვარად, თუ ვინმე ლაზერით თქვენს "შეწვას" შეეცდება, ანტილაზერი მას ვერ შეაჩერებს".

სპეციალისტების აზრით, ანტილაზერის გამოყენება სხვადასხვა სფეროში შეიძლება, მაგალითად, ახალი თაობის კომპიუტერების დასამზადებლად.

მომზადებულია bbc-ის მიხედვით.