ოსი სეპარატიტების წვრთნები

გაზაფხულისთვის ოსი სეპარატისტები რუსეთის საოკუპაციო ჯარის დახმარებით, ფართომასშტაბიანი სამხედრო წვრთნების ჩასატარებლად ემზადებიან. რუსული მედიის ინფორმაციით, რამდენიმე თვის წინ ჩამოყალიბებული ცხინვალის გარნიზონის ამოცანას, სამხედრო ტექნიკის ათვისება და შესაძლო საფრთხეზე სწრაფი რეაგირების მოხდენა წარმოადგენს. გაზაფხულზე დაგეგმილ სწავლებებზე მებრძოლებმა ცალკეული მობილური დანაყოფების მიერ გაწეული სამუშაოს დემონსტრირება უნდა მოახდინოს. ტაქტიკურ სწავლებებში მონაწილეობას პირველად მიღებს ოს სეპარატისტთა სადაზვერვო ბატალიონი, რომელიც ე.წ. სამხრეთ ოსეთში არსებულ რუსულ სამხედრო ბაზაზე რამდენიმე თვის წინ შეიქმნა. ბაზის შეიარაღებაში უკვე შეტანილია სადაზვერვო კომპლექსი "დოზორი", რომლის სპეციალური სასწავლო კურსი ოსმა მზვერავებმა უკვე გაიარეს.

ვაზიანის სამხედრო ბაზაზე შეიარაღებული ძალების საარტილერიო ბრიგადის ახალი დისლოკაციის ადგილი გაიხსნა. ცერემონიას საქართველოს პრეზიდენტი მიხეილ სააკაშვილი, თავდაცვის მინისტრი ბაჩო ახალაია, შეიარაღებული ძალების გაერთიანებული შტაბის უფროსი დევი ჭანკოტაძე და სხვა მაღალი რანგის სამხედრო პირები დაესწრნენ.
პრეზიდენტმა ჯარისკაცებს ახალი ბაზის გახსნა მიულოცა და თავდაცვის სისტემაში მიმდინარე ცვლილებების შეახებ ისაუბრა. მიხეილ სააკაშვილმა ხაზი გაუსვა იმ ფაქტს, რომ არსებული სიტუაციიდან გამომდინარე, საქართველოს შეიარაღებული ძალები მუდმივად მაღალ დონეზე მომზადებული უნდა იყოს. ამისთვის, მისი თქმით, მთავრობა და თავდაცვის სამინისტრო ყველა ღონეს ხმარობს, რაც ბაზების აშენებაში, ჯარისკაცების განათლებაში, აღჭურვასა და სათანადო პირობების შექმნაში გამოიხატება.
მიხეილ სააკაშვილი თავდაცვის სამინისტროში მიმდინარე სისტემურ ცვლილებებსაც შეეხო. მან კადეტთა ლიცეუმის შექმნისა და ახალი სარეზერვო სიტემის დანერგვის მნიშვნელობაზე ისაუბრა. გარდა ამისა, პრეზიდენტმა ქართული ქვედანაყოფების ნატოს სამშვიდობო მისიაში მონაწილეობაზეც ისაუბრა და ხაზი გაუსვა იმ ფაქტს, რომ მსგავს მისიებში მონაწილეობა სამხედროების საბრძოლო გამოცდილების ამაღლების კუთხით განსაკუთრებულად მაღალი მნიშვნელობისაა.
შეიარაღებული ძალების საარტილერიო ბრიგადა ამ დრომდე გორის სამხედრო ბაზაზე იყო განლაგებული. როგორც თავდაცვის მინისტრმა ბაჩო ახალაიამ აღნიშნა, ახალ ბაზაზე სამხედროების წვრთნისა და მომზადებისთვის ყველა პირობაა ... კითხვის გაგრძელება »

აფხაზეთში მშვიდობიან მოსახლეობაზე თავდასხმები გრძელდება. რუსი ოკუპანტები ნაბაკევში ახალგაზრდა ცოლ-ქმარს დაესხნენ თავს. აგრესორებმა მათი ავტომანქანა გააჩერეს და ფეხმძიმე ქალბატონს და მის მეუღლეს 500 დოლარი მოსთხოვეს. ოკუპანტები მათ ფიზიკურად გაუსწორდნენ. ლია ღურწკაია უმძიმეს მდგომარეობაში სოხუმის საავადმყოფოშია გადაყვანილი. აგრესორებს უკვე მეოთხე დღეა ტყვეობაში ჰყავთ 45 წლის თამაზ ჯობავაც. იგი საოკუპოაციო ჯარის წარმომდგენლებმა თევზაობის დროს გაიტაცეს და გამოსასყიდი თანხა 50 ათასი დოლარი მოთხოვეს. ფაქტის გახმაურების შემთხვევაში, კი ოჯახის წევრებს თამაზ ჯობავას მოკვლით დაემუქრნენ.

რუსეთის ძალოვანი სტრუქტურების ინფორმაციით, საგანგებო განყოფილების ოფიცრები სევასტოპოლიდან ნოვოროსიისკში გადადიან. დეკემბრის ბოლომდე “ეფ-ეს-ბეს” 19 ოფიცრის ქვეყნიდან გაყვანა რუსეთს, უკრაინის უშიშროების სამსახურის უფროსმა ვალენტინ ნალივაიჩენკომ მოსთხოვა. მისი თქმით, რუსეთის კონტრდაზვერვის ოფიცრების ფუნქციას ყირიმში უკრაინის უშიშროების სამსახური შეასრულებს. ნალივაიჩენკომ გადაწყვეტილება უკრაინულ მხარესთან პროვოკაციების თავიდან არიდების მიზნით მიიღო. “ეფ-ეს-ბეს” საგანგებო განყოფილება ნოვოროსიისკში, სავარაუდოდ უკრაინის არჩევნების ჩატარებამდე იმუშავებს.