კონფლიქტების გაშუქების სკოლა

კონფლიქტურ თემებზე მომუშავე ჟურნალისტები თავდაცვის სფეროში სპეციალიზირებულ კურსს გაივლიან. კონფლიქტების გაშუქების სკოლა, სადაც ჟურნალისტები მოემზადებიან, დღეს გაიხსნა. სპეციალიზირებული კურსი მონაწილეებს საგანგებო სიტუაციების გაშუქებისთვის საჭირო ცოდნის შეძენასთან ერთად კრიზისულ ვითარებაში მუშაობისთვის აუცილებელი უნარ–ჩვევების გამომუშავებაშიც დაეხმარება. 6 სატელევიზიო ჯგუფი საჩხერის სამთო მომზადების სკოლაში გაივლის სწავლებას.
სკოლის გახსნა თავდაცვის სამინისტროს და ომისა და მშვიდობის გაშუქების ინსტიტუტის ერთობლივი ინიციატივაა, რომელიც დიდი ბრიტანეთის საგარეო საქმეთა სამინისტროს დაფინანსებული პროექტის „ხიდების აგება/კავშირების გაღრმავება სამხრეთ კავკასიაში“ ფარგლებში ხორციელდება. სკოლის გახსნის ცერემონიას, ესწრებოდნენ როგორც თავდაცვის სამინისტროს ისე ინსტიტუტის წარმომადგენლები და ბრიტანეთის ელჩი საქართველოში დენის კიფი.
დღეს გამართულ ბრიფინგზე ბრიტანეთის ელჩმა კონფლიქტების დროს ჟურნალისტების პროფესიონალური მუშაობის მნიშვნელობაზე ისაუბრა და აღნიშნა, რომ საშიშ და საგანგებო ვითარებაში აუცილებელია მედიის წარმომადგენლები სათანადო დონეზე იყვნენ მომზადებულები.
თავდაცვის სამინისტროს საზოგადოებრივ საქმეთა დეპარტამენტის უფროსის სალომე მახარაძის თქმით, ეს იქნება ინსტიტუტებს შორის თანამშრომლობის სკოლა, „აქ ვისწავლით როგორ შევუწყოთ ერთმანეთს ხელი; არ არის საკმარისი ცალკეული პროფესიონალიზმი იმისთვის, რომ ყველაფერი მშვიდობიანად და კარგად დასრულდეს მაშინ, როდესაც ვაშუქებთ სამშვიდობო მისიებს, ... კითხვის გაგრძელება »

ოფიცერთა გადამზადების კურსი

დავით აღმაშენებლის სახელობის თავდაცვის ეროვნულ აკადემიაში ბატალიონის მეთაურთა და შტაბის ოფიცერთა გადამზადების კურსი დასრულდა.
სწავლება ცამეტი კვირის განმავლობაში მიმდინარეოდა. ოფიცრებმა ოპერაციების საბრძოლო და ლოგისტიკური უზრუნველყოფის, სამხედრო პოლიტოლოგიის, ისტორიისა და ფსიქოლოგიის კურსები გაიარეს. მათ ასევე შეისწავლეს სამხედრო ბძანებების შემუშავება და საბრძოლო ოპერაციების წარმოების ძირითად პრინციპებსაც გაეცნენ. გადამზადდა 14 სამხედრო მოსამსახურე. ეროვნული გვარდიის დეპარტამენტის, წვრთნებისა და სამხედრო განათლების სარდლობის ოფიცრებს დღეს სწავლების დამადასტურებელი შესაბამისი დიპლომები გადაეცათ.

ფეთქებადი ნარჩენებისგან გასუფთავებული სოფელი შინდისი ადგილობრივ თვითმმართველობას გადაეცა. განაღმული და გასუფთავებული ტერიტორია დღეს სპეციალისტებისგან თავდაცვის სამინისტროს ხელმძღვანელობამ ჩაიბარა.

სოფელი შინდისი (95, 5 ჰექტარი) 161 კასეტური იარაღის ნარჩენებისგან გაასუფთავეს. განაღმული ტერიტორია საქართველოში ბრიტანეთის ელჩთან დენის კიფთან ერთად თავდაცვის მინისტრის მოადგილემ ნოდარ ხარშილაძემ პირადად დაათვალიერა. ღონისძიებას ასევე დაესწრნენ შიდა ქართლის გუბერნატორი ლადო ვარძელაშვილი და ევროკავშირის მისიის წარმომადგენლები.

„აგვისტოს ომმა ძალიან დიდი საფრთხეები დატოვა, რომლებიც პირდაპირ ემუქრებოდა მშვიდობიანი მოსახლეობის სიცოცხლეს. ჩვენ მაქსიმალურად ვეცადეთ მათ გავფრთხილებოდით. ტერიტორიის უმეტესი ნაწილი გასუფთავებულია” – აღნიშნა ნოდარ ხარშილაძემ.

განაღმვითი სამუშაოები თავდაცვის სამინისტროს დაკვეთითა და კოორდინაციით საერთაშორისო ჰუმანიტარულმა ორგანიზაციამ “The HALO Trust” აწარმოა.

აღსანიშნავია, რომ ჰუმანიტარული განაღმვის ხარისხს საქართველოში საერთაშორისო ორგანიზაცია ”ინფორმაციის მართვისა და განაღმვითი საქმიანობის პროგრამები” (iMMAP, აშშ) აკონტროლებს.

ამ ეტაპზე განაღმვითი სამუშაოები 18 სოფელში განხორციელდა.

ეს ის სოფელია სადაც 17 გმირი იბრძოდა

ოკუპირებულ აფხაზეთში ე.წ. საპრეზიდენტო არჩევნებამდე ერთი დღე დარჩა. ოფიციალური მოსკოვის გადაწყვეტილებით საარჩევნო პროცესს რუსეთის სათათბიროს დეპუტატებთან ერთად, ცენტრალური საარჩევნო კომისია ვლადიმერ ჩუროვის ხელმძღვანელობით დააკვირდება. რუსი დამკვირვებლები გააკონტროლებენ ყარაჩაი-ჩერქეზეთში გახსნილ საარჩევნო უბნებსაც. აფხაზეთში მოახლოებულ ე.წ. საპრეზიდენტო არჩევნებს საქართველოს პრეზიდენტმა რუსეთის მიერ დადგმული კომედია უწოდა. ქვეყნის პირველი პირის პოზიცია პრეს-სპიკერმა მანანა მანჯგალაძემ გაავრცელა. მანჯგალაძის თქმით კრემლმა რეალურად აფხაზეთის ავტონომია გააუქმა. ამ ეტაპზე ყველაზე მნიშვნელოვანია, რომ შეწყდეს გატაცებები და მოქალაქეების ეთნიკური ნიშნით დევნა.

08.12.09 | 14:15

რუსეთმა აფხაზეთის სანაპიროზე საბრძოლო კატარღების შეყვანა გადადო. აღნიშნული გადაწყვეტილების მიზეზი რუსეთში გამოცხადებული გლოვის დღე გახდა. ოფიციალური მოსკოვი აფხაზეთში სამი სამხედრო კატარღის შეყვანას გეგმავს. რუსეთის სასაზღვრო დეპარტამენტის ინფორმაციით კატარღები ოჩამჩირეში რამოდენიმე დღეში განლაგდებიან. სეპარატისტები ამ ფაქტთან დაკავშირებით საზეიმო დახვედრის ორგანიზებასაც გეგმავენ. ოფიციალური მოსკოვის განმარტებით სამი კატარღა აფხაზეთის ე.წ. ტერიტორიულ წყლებში მუდმივად იქნება დისლოცირებული და დე-ფაქტო რესპუბლიკის უსაფრთხოებას დაიცავს. რუსეთის გადაწყვეტილება ქართველ პოლიტიკოსებთან ერთად, საერთაშორისო ორგანიზაციების წარმომადგენლებმაც დაგმეს.

ხოდა ვინც შემოიყვანს დაგინებულიაა დედაზე... :)