ნატოს პოზიცია უცვლელია

რუსეთ საქართელოს კონფლიქტებტან მიმართებაში ნატოს პოზიცია უცვლელია. ეს განცხადება ალიანსის ოფიაციალურმა წარმომადგენელმა ჯეიმს აპატურაიმ რიანოვოსტიში გამართულ ვიდეო პრესკონფერენციაზე გააკეთა. აპატურაის თქმით ალიანსის წევრები კვლავ ერთხმად უჭერენ მხარს საქართველოს ტერიტორიულ მთლიანობას და მათთვის აფხაზეთის და სამხრეთ ოსეთის დამოუკიდებლობის აღიარება კვლავ მიუღებელია.ნატოს ოფიაციალური წარმომადგენლის განცხადებით აუცილებელია შესრულდეს შეთანხმება , რომლსაც საფრანგეთისა და რუსეთის პრეზიდენტებმა 2008 წლის აგვისტოს კონფლიქტის დროს მიღწიეს.

მოსკოვში აფხაზეთიდან დევნილი ახალგაზრდა ცემით მოკლეს

მოსკოვში ნასვამმა მილიციელებმა აფხაზეთიდან დევნილი 19 წლის ედუარდ ღურწკაია ცემით მოკლეს. შემთხვევა ერთ-ერთ მეტროსადგურთან მოხდა. სამმა მილიციელმა ორი მამაკაცი გააჩერა და უამრავი გამვლელის თვალწინ ხელკეტებით სასტიკად სცემა. ღურწკაია იქვე მდებარე აფთიაქის შენობაში გარდაიცვალა. ნასვამი მილიციელები მომხდარიდან ერთ საათში დააპატიმრეს.

რუსეთის პროკურატურის ინფორმაციით, სამივე სამართალდამცველი სამსახურიდან გათავისუფლებულია. ამჟამად ისინი დაკითხვაზე იმყოფებიან. არ არის გამორიცხული, დაკავებულების წინააღმდეგ საქმე განზრახ მკვლელობის მუხლით აღძრან. ედუარდ ღურწკაიას ოჯახი გარდაცვლილის საქართველოში გადმოსვენებისთვის დახმარებას ითხოვს.

მედვედევი მინსკზე ზეწოლას უარყოფს

მოსკოვი არასოდეს სთხოვს სხვა ქვეყნებს აღიარონ სამხრეთ ოსეთისა და აფხაზეთის დამოუკიდებლობა - ეს კომენტარი დიმიტრი მედვედევმა ბელორუს ჟურნალისტებთან გააკეთა, თუმცა აქვე აღიარა, რომ რუსეთისთვის კარგი იქნება, თუ იმ ქვეყნების მოკლე სიას, რომლებმაც აფხაზეთისა და სამხრეთ ოსეთის დამოუკიდებლობა ცნეს, სხვა სახელმწიფოებიც შეუერთდებიან.
აღიარებს თუ არა მინსკი სოხუმისა და ცხინვალის დამოუკიდებლობას, ეს ბელორუსის შიდა სახელმწიფოებრივი საქმეა,`- ამბობს პრეზიდენტი. მედვედევის მტკიცებით, სოხუმისა და ცხინვალის აღიარება მოსკოვისთვისაც საკმაოდ რთული გადასაწყვეტი იყო, თუმცა თბილისიდან წამოსულმა აგრესიამ მათ სხვა გამოსავალი არ დაუტოვა. რუსეთის პრეზიდენტი ირწმუნება, რომ მოსკოვი სამხრეთ ოსეთისა და აფხაზეთის შიდა საქმეებში არასოდეს ერევა. კრემლი დიპლომატიური მარცხის შენიღბვას ცდილობს - ასე აფასებენ თბილისში რუსეთის ფედერაციის პრეზიდენტის განცხადებას. ქართველი პოლიტიკოსების თქმით, რუსეთმა სამხრეთ ოსეთისა და აფხაზეთის აღიარებას მსოფლიოს მასშტაბით ვერ მიაღწია - რის გამოც ის ამჟამად იგნორირების პოლიტიკას მიმართავს.

ცხინვალი გატაცებული ბავშვების თემით ვაჭრობს

ცხინვალის პროკურატურამ 4 ნოემბერს დაკავებული ქართველი მოზარდების საქმის გამოძიება დაასრულა, - ამის შესახებ პოსტკონფლიქტური დარეგულირების საკითხებში ე.წ. პრეზიდენტის წარმომადგენლის მოადგილემ, მერაბ ჩიგოევმა განაცხადა. ჩიგოევის თქმით გამოძიება დასრულდა, და საქმე სასამართლოს უახლოეს დღეებში გადაეცემა. ქართული მხარე კი მიიჩნევს, რომ ცხინვალი ბავშვების გათავისუფლების საკითხს ვაჭრობის საგნად იყენებს, საგარეო საქმეთა მინისტრის მოადგილის განცხადებით გრიგოლ ვაშაძე ტირძნისიდან გატაცებული მოზარდების გათავისუფლების საკითხს პარიზში კოლეგასთან _ ბერნარდ კუშნერთან შეხვედრისას დააყენებს. სოფელ ტირძნისის მცხოვრები 4 არასრულწლოვანი - გიორგი რომელაშვილი, ალეკო ცაბაძე, ვიქტორ ბუჩუკური და ლევან ხმიადაშვილი ოსმა მილიციელებმა 4 ნოემბერს დააკავეს. ცხინვალის რეჟიმი მათ ასაფეთქებელი ნივთიერებების უკანონოდ შენახვასა და ე.წ. სახელმწიფო საზღვრის უკანონოდ გადაკვეთში სდებს ბრალად.

მომზადებულიაა TVsakartvelo.ge

საპარლამენტო უმრავლესობა ევროსაბჭოს ადამიანის უფლებათა დაცვის კომისარს _ თომას ჰამერბერგს უმოქმედობაში ადანაშაულებს.
კანონმდებლები მიიჩნევენ, რომ ჰამერბერგს რუსეთთან საეჭვო ურთიერთობა აქვს. პლენარულ სხდომაზე დეპუტატმა აკაკი მინაშვილმა განაცხადა, რომ ტირძნისიდან გატაცებული მოზარდების საკითხთან დაკავშირებით საჭიროა საერთაშორისო ორგანიზაციების რეაგირება. მინაშვილს პარლამენტის თავჯდომარე დავით ბაქრაძე გამოეხმაურა და აღნიშნა, რომ ქართველი დეპუტატები ევროსაბჭოს არ უპირისპირდებიან, მაგრამ საერთაშორისო საზოგადოებამ საკითხის მოსაგვარებლად მაქსიმუმი უნდა გააკეთოს.

რუსეთის ახალი სამხედრო დოქტრინა

რუსეთის ფედერაციის უშიშროების საბჭომ ახალი სამხედრო დოქტრინის პროექტი მოამზადა. ამის შესახებ საბჭოს მდივანმა, ნიკოლაი პატრუშევმა განაცხადა.
სამხედრო დოქტრინაში აღწერილია, თუ რა ვითარებაში შეუძლია რუსეთს, ბირთვული იარაღის გამოყენება და პრებენტიული დარტყმის განხორციელება.
სამხედრო დოქტრინის პროექტი სამი თავისგან შედგება. Pპირველ თავში, სახელწოდებით “სამხედრო საფრთხეები და სამხედრო მუქარები”, შიდა და გარე სამხედრო საფრთხეები, ასევე პოტენციური სამხედრო კონფლიქტებია აღწერილი.
მეორე თავში, სახელწოდებით “რუსეთის ფედერაციის სამხედრო პოლიტიკა” ნათქვამია, რომ რუსეთისთვის უმნიშვნელოვანეს ამოცანას შეიარაღებული კონფლიქტების არიდება და შეკავება წარმოადგენს. აღწერილია ასევე ამ ამოცანების შესრულების საშუალებებიც.
ხოლო მესამე თავში, სახელწოდებით “თავდაცვის სამხედრო-ეკონომიკური და სამხედრო-ტექნიკური უზრუნველყოფა” რუსული თავდაცვითი-საწარმო კომპლექსების გაუმჯობესების საჭიროებას ესმევა ხაზი.
ახალი პროექტი რუსეთის სამხედრო დოქტრინის მესამე ვარიანტია. პირველი პროექტი რუსეთის მთავრობამ 1993 წელს, ხოლო მეორე 200 წელს მიიღო.