ევროკავშირის სადამკვირვებლო მისია შეშფოთებას გამოხატავს რუსი მესაზღვრეების მიერ ადმინისტრაციულ საზღვართან 16 ქართველის დაკავებასთან დაკავშირებით.

მისია მოუწოდებს მხარეებს, აღნიშნული პრობლემა განიხილონ და მოაგვარონ ინციდენტების პრევენციისა და მათზე რეაგირების მექანიზმებზე მომუშავე ჯგუფების ფარგლებში.

ევროკავშირის დამკვირვებელთა მისია მიიჩნევს, რომ 16 ადამიანის დაკავება სერიოზულ გავლენას ახდენს სოფელ გრემისხევის ყოველდღიურ ცხოვრებაზე.

ამასთანავე, მისია მიიჩნევს, რომ აღნიშნული ინციდენტი ასახავს იმ სერიოზულ პრობლემას, რომელიც ადმინისტრაციული საზღვრის გასწვრივ მოსახლეობის საქმიანობასთან დაკავშირებით არსებობს და ზამთრის მოახლოებასთან ერთად შესაძლოა, კიდევ უფრო გართულდეს.

დუშეთის რაიონის სოფელ გრემისხევში საქართველოს 16 მოქალაქე რუსმა მესაზღვრეებმა 26 ოქტომბერს დააკავეს. ისინი ტყეში შეშას ჭრიდნენ.

ცხინვალი დაკავებულებს ე.წ. სამხრეთ ოსეთის სახელმწიფო საზღვრის უკანონოდ გადაკვეთაში ადანაშაულებს. ბოლო ინფორმაციით, ისინი ახალგორის პროკურატურაში იმყოფებიან.

საქართველოს პრეზიდენტი მიხეილ სააკაშვილი დღეს სამუშაო ვიზიტით პოლონეთს ეწვევა.

ვიზიტის ფარგლებში სააკაშვილი პოლონელ კოლეგას, ლეხ კაჩინსკის და პრემიერ-მინისტრ დონალდ ტუსკს შეხვდება.

პრეზიდენტი სააკაშვილი მოძრაობა “სოლიდარობის” ერთ-ერთი ლიდერის, იეჟი პოპელუშკოს ძეგლს გვირგვინით შეამკობს.

რუსი მესაზღვრეების მიერ გუშინ გატაცებული 16 ქართველი ამ დრომდე ტყვეობაში რჩება.

როგორც შინაგან საქმეთა სამინისტროს ანალიტიკური დეპარტამენტის ხელმძღვანელმა, შოთა უტიაშვილმა განაცხადა, დაკავებულების საქმესთან დაკავშირებით არანაირი ახალი დეტალი დადგენილი არ არის.

”მხოლოდ ის ვიცით, რომ ისინი ახალგორის განყოფილებაში ჰყავთ. გუშინ მათი დაკავების ადგილზე ევროკავშირის დამკვირვებლებიც გვყავდა მიყვანილი. მათ დააფიქსირეს, რომ 16 ადამიანი რუსმა მესაზღვრეებმა ქართული მხარის მიერ კონტროლირებად ტერიტორიაზე დააკავეს. რუსები დუშეთის რაიონში იყვნენ გადმოსულები, ხოლო საქართველოს მოქალაქეებს ადმინისტრაციული საზღვარიც კი არ გადაუკვეთავთ”, - აღნიშნა შოთა უტიაშვილმა.

დუშეთის რაიონის სოფელ გრემისხევში საქართველოს 16 მოქალაქე რუსმა მესაზღვრეებმა 26 ოქტომბერს დააკავეს და ახალგორის მილიციის განყოფილებაში გადაიყვანეს. ცხინვალის მარიონეტული რეჟიმი მათ ე.წ. სამხრეთ ოსეთის სახელმწიფო საზღვრის უკანონოდ გადაკვეთაში ადანაშაულებს.

რუსეთის
საგარეო საქმეთა მინისტრის, სერგეი ლავროვის განცხადებით, ერთი წლის წინ,
როცა ”სააკაშვილმა სამხრეთ ოსეთზე თავდასხმის დანაშაულებრივი ბრძანება
გასცა”, რუსეთი მსოფლიოს აფრთხილებდა, რომ საქართველოსთვის დიდი ოდენობით
შეტევითი შეიარაღების მიწოდება "ცუდად დასრულდებოდა”. ამის შესახებ
ლავროვმა ტელეკომპანია ”ვესტისთვის” მიცემულ ინტერვიუში განაცხადა.

”მე
მარწმუნებდნენ, რომ სააკაშვილი ამას ვერ გაბედავდა. მე მქონდა საშუალება,
კონდოლოზა რაისს გავსაუბრებოდი. მან მითხრა: თუ სააკაშვილი იმ იარაღის
გამოყენებას გაბედავს, რომელსაც ჩვენ ვაწვდით, შეუძლია, ნატო-ში
გაწევრიანება დაივიწყოს. იმის შემდეგ, რაც მან იარაღი გამოიყენა, რაისს
ვკითხე, როგორ გადაწყდებოდა ნატო-ში საქართველოს შესვლის საკითხი და მან
არაფერი მიპასუხა”, - აღნიშნა ლავროვმა.  

რუსი მინისტრი
იმედოვნებს, რომ ამ სიტუაციიდან დასკვნას ბევრი გააკეთებს.  ლავროვმა
აღნიშნა, რომ რუსეთი სხვადსხვა წყაროდან იღებს ინფორმაციას იმის თაობაზე,
რომ ცალკეული ქვეყნები რთული სქემებით მაინც ცდილობენ, შეტევითი
შეიარაღების შეძენაზე საქართველოს ხელისუფლების მოთხოვნა დააკმაყოფილონ.
ამასთან, რუსეთის საგარეო საქმეთა მინისტრი გ ... კითხვის გაგრძელება »

„დაუყოვნებელი პასუხი“ დასრულდა

საქართველოსა და ამერიკის შეერთებული შტატების ერთობლივი სამხედრო წვრთნა, “დაუყოვნებელი პასუხი” (Immediate Response) დასრულდა. სამხედრო წვრთნები ორი კვირის განმავლობაში სამშვიდობო მისიებისთვის ქართველი სამხედროების მომზადების ISAF-ის (საერთაშორისო უსაფრთხოების უზრუნველყოფის ძალები) ფარგლებში მიმდინარეობდა.
დღეს ვაზიანის სამხედრო ბაზაზე სწავლების დახურვის ცერემონიალი გაიმართა. წვრთნების დროს გამორჩეულ ჯარისკაცებს სერტიფიკატები და საჩუქრები გადაეცათ.
სწავლება „დაუყოვნებელი პასუხი“ იმ პროგრამის ნაწილს წარმოადგენს, რომელიც მიზნად ისახავს საერთაშორისო უსაფრთხოების მხარდაჭერის ოპერაციებისთვის ქართველი ჯარისკაცების მომზადებას. წვრთნის ამ ეტაპზე საქართველოს შეიარაღებული ძალები კონტრ-ტერორისტული ოპერაციებისათვის საგანგებოდ მოემზადნენ. ქართველი ჯარისკაცები უახლოეს მომავალში სამშვიდობო ოპერაციებს ავღანეთში ამერიკელ სამხედრო მოსამსახურეებთან ერთად ჩაატარებენ. “ამერიკის შეერთებული შტატები მადლიერია, რომ საქართველოს არმია ავღანეთის უმნიშვნელოვანეს ოპერაციაში ნებაყოფლობით მონაწილეობს,”- ნათქვამია ამერიკის შეერთებული შტატების საელჩოს ოფიცალურ განცხადებაში. სამ ... კითხვის გაგრძელება »

კანადისა და საქართველოს თავდაცვის უწყებებმა თანამშრომლობის სამომავლო გეგმები განიხილეს. კანადის თავდაცვის ატაშე, პოლკოვნიკი სილვეინ ლესგუთრი თავდაცვის მინისტრის მოადგილეს ნიკოლოზ ვაშაკიძეს და საქართველოს შეიარაღებული ძალების გაერთიანებული შტაბის უფროსის მოადგილეს, ბრიგადის გენერალ დავით ნაირაშვილს შეხვდა.

შეხვედრაზე ნატოსთან ინტეგრაციის ყოველწლიური ეროვნული პროგრამის (ANP) მიმდინარეობაზე და ISAF-ის (საერთაშორისო უსაფრთხოების უზრუნველყოფის ძალები) ოპერაციაში საქართველოს შეიარაღებული ძალების მონაწილეობაზე ისაუბრეს. მხარეებმა კანადის სამხედრო განათლების დახმარების პროგრამაში (MTAP) საქართველოს გაწევრიანების პერსპექტივებიც განიხილეს. ვიზიტის ფარგლებში კანადელი ატაშე ასევე დაათვალიერებს ალექსეევკის და მარნეულის სამხედრო-საჰაერო ძალების ბაზებს.

სილვეინ ლესგუთრი საქართველოს 13 ნოემბერს დატოვებს.