 |
ტოპ მომხმარებლები |
 |
 |
| Admin Generalissimo | სიახლე: კომენტარი: პოსტი: | 1503 237 217 |
| Checked Major | სიახლე: კომენტარი: პოსტი: | 215 207 29 |
| Moder Major | სიახლე: კომენტარი: პოსტი: | 122 185 87 |
| Admin Colonel general | სიახლე: კომენტარი: პოსტი: | 51 93 11 |
| Checked Private | სიახლე: კომენტარი: პოსტი: | 27 49 5 |
|  |
 |
 |
 |
|
|
ანდერს ფოგ რასმუსენი - საქართველო ნატო-ში შესაძლოა, MAP-ის გარეშე გაწევრიანდეს |
|
|
 საქართველო ნატო-ში შესაძლოა, MAP-ის გარეშე გაწევრიანდეს. როგორც ტელეკომპანია "რუსთავი 2" იუწყება, ეს განცხადება ნატო-ს გენერალურმა მდივანმა, ანდერს ფოგ რასმუსენმა ბრატისლავაში მიმდინარე არაფორმალურ მინისტერიალზე განაცხადა.
რასმუსენმა ნატო-ს სამომავლო გეგმებზე ისაუბრა. მისი განცხადებით, ალიანსის უმთავრესი პრობლემა ამ მომენტისთვის ავღანეთია. იგი აპირებს უახლოეს პერიოდში რუსეთში ჩავიდეს და რუსეთ-ნატო-ს ურთიერთობები მოაგვაროს.
გენერალურმა მდივანმა აღნიშნა, რომ ამ ურთიერთოებების მოგვარებას ნატო-ს პრინციპები არ უნდა შეეწიროს.
"ბუქარესტში მიღებული გადაწყვეტილებები ძალაშია. ამ გადაწყვეტილების თანახმად, საქართველო და უკრაინა ნატო-ს წევრები გახდებიან. რა თქმა უნდა, მათ კრიტერიუმები უნდა დააკმაყოფილონ. ეს არის მიზეზი იმისა, თუ რისთვის ჩამოვაყალიბეთ კომისიები საქართველოსა და უკრაინისთვის. ჩვენ ამ კომისიების ფარგლებში ორივე ქვეყანაში ვმუშაობთ. იმედი მაქვს, რომ ჩემი გენერალური მდივნის რანგში ყოფნის პერიოდში პროგრესს მივაღწევთ", - განაცხადა რასმუსენმა. "ინტერპრესნიუსი" |
|
|
|
|
|
ისრაელი და აშშ რაკეტების მოგერიების ხერხებს ამუშავებენ |
|
|
[r]
შტატები სამხედრო წვრთნებს ატარებენ, რომელიც ისტორიის მანძილზე პირველი ყველაზე მასშტაბური მსგავსი ღონისძიებაა. მანევრების დროს, რომლებიც ორი კვირის განმავლობაში გაგრძელდება, სამი მხრიდან ისრაელზე მასობრივ კოორდინირებულ სარაკეტო თავდასხმებზე რეაგირების ხერხებს შეიმუშავებენ. წვრთნებში ათასი ამერიკელი სამხედრო მოსამსხურე და აშშ-ის სამხედრო საზღვაო ფლოტის კუთვნილი 15 ხომალდი მონაწილეობს. როგორც მასმედიის წარმომადგენლები იტყობინებიან, სამხედროების ინფორმაციით, სწავლების დროს ისრაელში რაკეტსაწინააღმდეგო თავდაცვის ყველაზე თანამედროვე საშუალებები იქნება წარმოდგენილი. მომზადებულია bbc.co.uk-ს მიხედვით.
|
|
|
|
|
|
ხარისხი და არა რაოდენობა - ხელისუფლება ბოლოს და ბოლოს მიხვდა თავის შეცდომას |
|
|
ეროვნული გვარდიის ხელმძღვანელობამ გასულ კვირას თავდაცვისა და უსაფრთხოების სამოქალაქო საბჭოს წარუდგინა რეზერვის ახალი სისტემის მოწყობის თავისი ხედვა.
აღნიშნულ თემაზე ეს მეორე პრეზენტაცია გახლდათ. თავდაპირველად რეზერვის ახალი სისტემის ძირითადი მიმართულებები უცხო ქვეყნის სამხედრო ატაშეებს გააცნეს.
მისასალმებელია, რომ ეროვნული გვარდია არ მალავს იმ ძირითად პრობლემებს, რომლებმაც აგვისტოს ომში ხელისუფლებისაგან ასე დაპირებული რეზერვის სისტემის კრახი მთელ ქვეყანას დაანახვა.
- რეზერვისტების არასათანადო მომზადება საბრძოლო მოქმედებებისთვის; რეზერვისტთა უმრავლესობისთვის სამხედრო საქმის სრული უცოდინარობა; ორ წელიწადში 28 ათასი რეზერვისტის ვითომდა მომზადება; მართვის რგოლში გამოცდილი სამხედროების კატასტროფული ნაკლებობა, როდესაც 500 რეზერვისტის სამართავად მხოლოდ 5 ოფიცერი და სერჟანტი თუ მოდიოდა.
აი, ის ძირითადი მიზეზები, რომელთა გამო ეროვნული გვარდიის ყოფილი ხელმძღვანელობის პროგრამა უბრალოდ ჩაფლავდა.
არადა, წელიწადში თითქმის 30 მლნ ლარი იხარჯებოდა რეზერვისტთა მომზადებაზე, რაც ფაქტობრივად, წყალში გადაყრილი თანხა აღმოჩნდა, რადგან ახლა თითქმის თავიდან აპირებენ რეზერვის მომზადების დაწყებას.
ახალი პროგრამის გაცნობისას რჩება შთაბეჭდილება, რომ ეროვნული გვარდია ამჯერად მართლაც უფრო სერიოზულად უდგება ამ საკითხს და რაც მთავარია, აღარ გამოეკიდება რაოდენობას, ყურადღება რეზერვისტთა მომზადების ხარისხზე გადადის.
2007-2008 წლებში "კ
...
კითხვის გაგრძელება »
|
|
|
|
| « 1 2 ... 15 16 17 18 19 20 » |
|
 |
მეგობრები |
 |
 |
|
 |
 |
 |
 | |
მთავარი გვერდი
თამაშები
