რუსეთის დახეული და გაურეცხავი ჩექმა აღარ უნდა ბილწავდეს ჩვენს წმინდა მიწას.
ხუთდღიანი ომის შედეგები

პირველ რიგში მსურს სამძიმარი ვუთხრა ჩვენი დაღუპული მეომრების და სამოქალაქო მოსახლეობის ახლობლებს. დარწმუნებული ვარ, რომ ამ უზარმაზარ მსხვერპლს სათანადოდ დააფასებს ჩვენი ერი და მომავალი თაობა. მალე გამოჩანმრთელება და ფეხზე დადგომა მინდა ვუსურვო დაჭრილებს და ყველა იმ ადამიანს, რომელიც ფიზიკურად, მორალურად თუ მატერიალურად დაზარალდა ამ მუხანათურ ომში რუსეთის არმიის ბარბაროსული ქმედებებისგან.
მინდა გამოვხატო ჩემი ღრმა პატივისცემა ჩვენი მეომრების მიმართ, რომლებმაც შესაშური თავგანწირვა და მამაცობა გამოამჟღავნეს.
როგორც 9 აგვისტოს ჩაწერილ ინტერვიუში მოვახსენეთ თქვენს მკითხველს, ჩვენ ამ ომის აცილება, იმ სამხედრო-პოლიტიკურ ვითარებაში, რომელშიც ვიმყოფებოდით, არ შეგვეძლო. ამიტომ ვისაუბროთ მხოლოდ ომის შედეგებზე და შემდგომ გზებე.
სამხედრო თვალსაზრისით ჩვენ უდაოდ სერიოზულად დავზარალდით. პირველ რიგში ესაა პირადი შემადგენლობის მსხვერპლი. სიცოცხლე ყველაზე დიდი ფასეულობაა. მას შემდეგ, რაც მივიღეთ გადაწყვეტილება ცეცხლის შეწყვეტაზე, რუსეთმა ყველა საერთაშორისო ნორმების და ეთიკის დარღვევით გააგრძელა ჩვენი სამხედრო-ეკონომიკური ინფრასტრუქტურის განადგურება და შეეცადა ქვეყნის შუაზე გახლეჩით (გორი-ხაშურის საგზაო მონაკვეთის გადაკეტვა, რკინიგზის ხიდის აფეთქება) და საზღვაო ბლოკადით გამოეწვია ეკონომიკური კრიზისი და მძიმე სოციალურ ფონზე მიეღწია საქართველოში პოლიტიკური რეჟიმის შეცვლისათვის.
რუსეთმა სამხედრო ოპერაციაში, ძირითადად ა ... კითხვის გაგრძელება »

საქართველოში შექმნილ ვითარებაზე ექსპერტებს სხვადასხვა მოსაზრება აქვთ. ზოგს მიაჩნია, რომ ნატო საქართველოს სამხედრო ძალით უნდა დაეხმაროს, სხვების აზრით კი, რუსეთთან დაპირისპირება საქართველოს პოლიგონად აქცევს, ამიტომ დასავლეთის მხრიდან რუსეთის მიმართ ეკონომიკური სანქციების გატარება მოგებიანია ჩვენი ქვეყნისათვის. ამ საკითხებზე, ვფიქრობთ, ინტერესმოკლებული არ იქნება საჰაერო ძალების ყოფილი სარდლის (2003-2005წწ) ამირან სალუქვაძის თვალსაზრისი.
- ბატონო ამირან, მართალია რუსეთს ყოველთვის ახასიათებდა თავისი ძალის დემონსტრირება, მაგრამ ის საქართველოში ყოველგვარ მორალურ და სამართლებრივ საზღვრებს გასცდა.
- ბოლო წლების განმავლობაში რუსეთს დიდძალი და თან, ასე ვთქვათ, იოლი ფული გაუჩნდა. რაშიც დიდი წვლილი დასავლეთსაც მიუძღვის. სწორედ ეს არის მიზეზი იმისა? რომ კრემლმა ეს ინტეგრაცია განახორციელა. არავითარი სამხედრო დაპირისპირება, ჩემი აზრით, რუსეთზე მხოლოდ ეკონომიკური სანქციები იმოქმედებს. რუსეთში პუტინიზმია გამეფებული _ ლენინიზმისა და სტალინიზმის გაგრძელება. მიუხედავად რუსული აგრესიული პოლიტიკისა, მაინც ყველასთვის მოულოდნელი იყო რუსეთის ავიაციის მოქმედება. არავის ეგონა, რომ ეს აგრესორი საქართველოს მთელ ტერიტორიაზე იმოქმედებდა.
- რუსეთმა თითქმის ყველა მხრიდან _ ხმელეთიდან, ჰაერიდან, ზღვიდან განახორციელა საქართველოზე შეტევა, რამ განაპირობა ასეთი მობილიზაცია, შეეშინდათ თუ მართლაც მხოლოდ ძალის დემონსტრირება უნდოდათ?
- ერთიც და მეორეც. პირველი ის, რომ მათ კარგად იცოდნ ... კითხვის გაგრძელება »

ბოლო ორი წლის განმავლობაში ოფიცერთა კორპუსი გრძნობს სტაბილურობას ამ მხრივ. ამ პროცესს განმტკიცება ესაჭიროება.

საჭიროა მომზადდეს საკანონმდებლო პაკეტი და განხორციელდეს ისეთი სტრუქტურული ცვლილებები, რომელიც:
-აღკვეთავს მომავალში გაუმართლებელ საკადრო წმენდას;
-უზრუნველყოფს შეიარაღებულ ძალებში სამოქალაქო კონტროლს.

საკანონმდებლო ცვლილებების მთავარი მიმართულებები უნდა იყოს:
-ფუნქციების გამიჯვნა;
-ოფიცრების მიერ სამხედრო სამსახურის და საკარიერო საფეხურების გავლის წესების დადგენა;
-თანამდებობებზე დანიშვნის და გათავისუფლების წესების დაზუსტება ... კითხვის გაგრძელება »

რუსეთის მიერ საქართველოს სეპარატისტული რეგიონების აღიარებას ქართული მხრიდან შესაძლოა, აგრესორთან დიპლომატიური ურთიერთობების გაწყვეტაც მოჰყვეს. მიუხედავად იმისა, რომ რუსეთს ლამის მთელი მსოფლიო დაუპირისპირდა, ის პოზიციას არ ცვლის და ჩვეული სიჯიუტით მიჰყვება წლების წინ აღებულ კურსს, ოღონდ _ უკვე სრულიად დაუფარავად. ვითარებას ართულებს ისიც, რომ შავი ზღვის აკვატორიაში ნატოსა და რუსეთის სამხედრო საზღვაო ძალების რიცხვი თანდათან იზრდება. ჩვენ შევეცადეთ, კვალიფიცირ სპეციალისტებთან გაგვერკვია _ სადამდე შეიძლება მივიდეს რუსეთის აღვირახსნილი ქმედებები და რა შედეგი შეიძლება მოუტანოს მას მსოფლიოსთან დაპირისპირებამ.

_ როგორც საქართველოში, ისე დანარჩენ მსოფლიოში ვითარება ყოველდღიურად იცვლება. იზრდება ნატოს სამხედრო გემების რიცხვი შავი ზღვის აკვატორიაში, ამავდროულად, რუსეთიდან საქართველოს მიმართულებით უკვე წამოვიდა სარაკეტო კრეისერი. როგორ შეიძლება განვითარდეს მოვლენები?

ამირან სალუქვაძე, საქართველოს სამხედრო-საჰაერო ძალების ყოფილი სარდალი:

_ ჩემი აზრით, ვითარება ხრუშჩოვის დროინდელ, კარიბის კრიზისს უახლოვდება. შავი ზღვის აკვატორიაში რუსეთისა და ნატოს ფლოტების თავმოყრა და მათი რაოდენობის გაზრდა პირველად მოხდა. რიტორიკაც საკმაოდ დაძაბულია და რუსეთი აშკარად გამომწვევად იქცევა. იქ არსებული პოლიტიკური ძალებიც მმართველ პოლიტიკურ ელიტასა და თავიანთ ლიდერს _ პუტინს უბამენ მხარს. რუსეთი ალბათ გააგრძელებს ძალის დემონსტრირებას და დასავლეთს, კერძოდ აშშ-სა და ნატოს არჩევანის საშუალებას არ დაუტოვებს. თუმცა ამ ეტაპზე ძალისმიერ დაპირისპირებას გამოვრიცხავ, მაგრამ რუსეთის იზოლაცი ... კითხვის გაგრძელება »

_ სანამ რუსეთის საოკუპაციო ჯარები საქართველოდან არ გავლენ, ქვეყანაში საომარი მდგომარეობა იქნება, უბრალოდ, ეს ოფიციალურად არ არის გამოცხადებული. ასე იქნება, მანამ, სანამ ე.წ. ბუფერული ზონებიდან კი არა, სამაჩაბლოდან და აფხაზეთის ტერიტორიიდანაც არ გავა მათი ჯარები... დასავლეთმა და მსოფლიომ ერთი რამე ვერ გაიგეს, რუსეთისთვის დროის მიცემა არ შეიძლება, რადგან მას რაც უფრო მეტ დროს აძლევენ, პრობლემის მოგვარების პროცესი მით უფრო იჭიმება.

_ თუმცა ხელისუფლება გვიმტკიცებს, რომ რაც უფრო მეტ ხანს არ გავლენ, ჩვენთვის უეთესია, რადგან ასეთი ჯიუტობით მსოფლიოს თავის სახენ ანახვებენ...

_ რუსეთმა მსოფლიოს თავისი სახე დიდი ხანია დაანახვა. მეტიც, თუ ადრე ამას ფარულად და დიპლომატიურად აკეთებდა, ახლა ღიად და აგრესიულად მოქმედებს. ამის ნათელი დადასტურებაა ბოლოს ჩატარებული წვრთნები `სტაბილურობა 2008~, რომელს ... კითხვის გაგრძელება »

უდაო ფაქტია, რომ ჩვენი უპილოტო საფრენი აპარატი, რომელიც არანაირ საშიშროებას არ წარმოადგენდა აფხაზური მხარისთვის და აწარმოებდა მშვიდობიან სადამკვირვებლო ფრენებს ტერიტორიული წყლების საჰაერო სივრცეში, ჩამოგდებული იქნა არა იმ საწყალი ალბატროსით, რომლითაც ასე ამაყობს აფხაზეთის ე.წ. საჰაერო ძალები, არამედ რუსული წარმოშობის ან რუსეთის კუთვნილების მიგ-29 ტიპის თვითფრინავის მიერ. თუ ეს იყო აფხაზების მიგ-29, მაშინ გაგვცენ პასუხები კიტხვებზე: ვისგან შეიძინა არაღიარებულმა რესპუბლიკამ გამანადგურებელი თვითფრინავი და რა საერთაშორისო ნორმებზე დაყრდნობით? და თუ მათი იყო, რატომ გაფრინდა რუსეთში ამოცანის შესრულების შემდეგ? თუ აფხაზებს არ შეეძლოთ ემბარგოს პირობებში შეეძინათ გამანადგურებელი თვითმფრინავი, მაშინ ვისი მიგ-29 იყო გამოიკვლიოს საერთაშორისო კომისიამ რუსეთის მონაწილეობით.
გარდა ამისა, მე როგორც ვიცი, ჩვენ არსად არ გვაქვს ვალდებულება აღებული, რომ უპილოტო საფრენი აპარატები შინაგან საქმეთა სამინისტროს ინტერესებისთვის არ გამოვიყენოთ საქართველოს საჰაერო სივრცეში. გადახედვა უნდა ძველ ხელშეკრულებებს.

როგორც ჩვენთვის ცნობილია ეს აპარატები თავდაცვის სამინისტროს მიერ იქნა შეძენილი. რატომ გადაეცა შინაგან საქმეთა სამინისტროს?

მოლაპარაკებები ჯერ კიდევ ჩემს გადაყენებამდე დაიწყო და ებრაულ მხარესთან მოლაპარაკებებს უშუალოდ ლევან ნიკოლეიშვილი ხელმძღვანელობდა. შემდგომში გადაეცა შინაგან საქმეთა სამინისტროს, რადგან ჩაითვალა, რომ ამ უწყების სხვადასხვა სტრუქტურულ ელემენტებს (უშიშროების სამსახ ... კითხვის გაგრძელება »

ამ სტატიით ჟურნალ ”არსენალში” იწყება ახალი რუბრიკა: ”ლოკალური ომები და შეიარაღებული კონფლიქტები”. ამ თემაზე ბევრი ნაშრომი დაწერილა, უამრავი მასალა არსებობს. არ მგონია ჩვენ რაიმე მნიშვნელოვანი წვლილი შევიტანოთ მეცნიერული თვალსაზრისით ამ სფეროში. ამავე დროს ქართულ სამხედრო ლიტერატურასა თუ პრესაში ეს თემა, როგორც ამბობენ, ”მოუხნავი ველია”. ამ რუბრიკაში შეუძლიათ თავიანთი სტატიები გამოაქვეყნონ როგორც შეიარაღებულ ძალებში მომსახურე სპეციალისტებს, ასევე თადარიგის ოფიცრებს. მკითხველისთვის საინტერესო იქნება 20-ე საუკუნის მეორე ნახევრის და 21-ე საუკუნის ომებსა და კონფლიქტებში შეიარაღებული ძალების სხვა და სხვა სახეობებისა და გვარეობების (ქვეითი, სატანკო, არტილერია, სპეცქვედანაყოფები, ლოგისტიკა) გამოყენების განხილვა. ბოლო წლებში გატარებული საკადრო პოლიტიკის შედეგად ბევრი მაღალკვალიფიციური სპეციალისტის გამოცდილება რჩება გამოუყენებელი. ვფიქრობ სამხედრო-სამეცნიერო საქმიანობა ერთ-ერთი ის მიმართულებაა, სადაც მათი გამოყენება სასარგებლო იქნებოდა.
სამხედრო-სამეცნიერო საქმიანობა ცალკე, და ვფიქრობ, ახალგაზრდა არმიისთვის ერთ-ერთი მნიშვნელოვანი და პრობლემატური თემაა, რომლის გარეშეც ჯარს განვითარება არ უწერია. ეს საკითხი რეფორმების ერთ-ერთ მნიშვნელოვან მიმართულებად უნდა იქცეს.
არც დანაპირები დამვიწყნია. ჟურნალ ”არსენალის” მკითხველს დავპირდი დამეწერა შეიარაღებული ძალების საკადრო სისტემის პერსპექტიული დაგეგმარების შესახებ. ამ სტატიას ახლო პერიოდში შემოგთავაზებთ. ან იქნებ ამ დარგის სპეციალისტებმა გადაწყვიტონ ამ თემაზე დაწერა. საკადრო პრობლემების მოგვარების გარეშე ჯარს ასევე არ უწერი ... კითხვის გაგრძელება »